הונדערטער חסידי צאנז תושבי קרית צאנז טבריה גרייטן זיך צו מקבל זיין את פני הקודש פון רבם ומאורם כ"ק אדמו"ר מצאנז שליט"א, וועלכער וועט אנקומען אויף א באזוך אין שטאט דעם קומענדיגן דינסטאג כי תצא ז' אלול, צו באשיינען די מעמד חנוכת הבית און קביעת מזוזה פאר די נייע בנין התלמוד תורה דחסידי צאנז.
די נייע תלמוד תורה געביידע איז געבויעט געווארן אויף א שנעלן פארנעם דורכאויס די לעצטע צוויי יאר, די מעמד הנחת אבן הפינה איז געפראוועט געווארן חודש כסלו תשפ"ג, און אצינד ווייניגער ווי צוויי יאר שפעטער ווערט שוין געפראוועט די חנוכת הבית, נאך וואס צום נייעם לערן יאר תשפ"ה ווערט די בנין באנייעט לשם ולתפארת.
די מעמד חנוכת הבית און קביעת מזוזה וועט פארקומען אין שפיץ פונעם נשיא המוסדות כ"ק אדמו"ר מצאנז שליט"א, דער רבי וועט וויילן אין שטאט דורכאויס די טאג, און אויפנעמען די חסידים מיט קוויטלעך לקראת די הייליגע טעג הממשמשים ובאים.
