א שווערע טראגעדיע האט פאסירט היינט אין די פאמאנע געגנט נעבן מאנסי, וואו א פערצן יעריגער בחור איז טראגיש פארשניטן געווארן רח"ל אין א עקסידענט, ביים רייזן אויף א ביציקל.
עס האט פאסירט אויף אווערלוק דרייוו און היי מאונטען ראוד אין פאמאנע, ווען דער פערצן יעריגער בחור, הב' אפרים רובין ע"ה, א זון פון הר"ר מרדכי רובין הי"ו פון פאמאנע, איז געפארן אויף זיין ביציקל נישט ווייט פון זיין הויז, און א פארבייפארנדע קאר האט אים אראפגעקלאפט, דער בחור'ל איז קריטיש פארוואונדעט געווארן פון די עקסידענט, און האט ליידער אויסגעהויכט זיין נשמה פון די וואונדן ה"י.
