שמחת בית ספינקא: היינט קומט פאר די שמחת השבע ברכות פון א אייניקל ביי כ"ק אדמו"ר מתולדות צבי ספינקא שליט"א, די חתן א זון פון זיין איידעם הגה"צ ר' יוסף דוד יואל טירנויער שליט"א, זון פון כ"ק אדמו"ר מחוסט שליט"א, מיט די כלה א טאכטער פון הגה"צ ר' חיים בנימין כהנא שליט"א אדמו"ר מספינקא קרית יואל. – די שמחת השבע ברכות קומט פאר אין ספינקא ביהמ"ד אויף פענן סטריט אין וויליאמסבורג.
היינט קומט פאר די שמחת הבר מצוה פון א אור אייניקל ביי כ"ק אדמו"ר מטשערנאביל שליט"א, אייניקל פון זיין איידעם כ"ק אדמו"ר מראחמיסטריווקא לינדען שליט"א, א זון פון זיין איידעם הרב יעקב אשכנזי שליט"א, זון פון הגה"צ ר' נתן דוד אשכנזי שליט"א מסטאניסלאוו אלעסק, איידעם ביי הגה"צ אבד"ק נחלת ישראל סאדאוונא שליט"א. – די שמחה קומט פאר אין פאפא זאל אין בארא פארק.
כ"ק אדמו"ר מדזיקוב וויזניץ שליט"א לאזט זיך היינט ארויס אויף א מסע הקודש קיין אוקריינע צו פוקד זיין די קברי צדיקים בערי האבות, אינאיינעם מיט א קבוצה נכבדה חסידים תומכים נכבדים, וואס האבן זיך אנגעשלאסן מיט סכומים אדירים לטובת די קרן הבנין פון די נייע ביהמ"ד הגדול והחדש דזיקוב וויזניץ אין בית שמש.
הגאון הגדול רבי משה הלל הירש שליט"א ראש ישיבת סלאבאדקע וועלכער איז צוגאסט די טעג אין ניו יארק בקרב תלמידיו ומעריציו, וועט היינט אויפדערנאכט אויפטרעטן מיט א שיעור כללי אינעם עיר ואם בישראל בארא פארק, אין היכל ביהמ"ד כולל אוו בארא פארק אויף די זעכצנטע עוועניו.
כ"ק אדמו"ר מתולדות אהרן שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט היינט אויפדערנאכט באשיינען א מסיבה נכבדה לטובת מוסדות ובנה ירושלים, אין שטוב פון הנגיד החסיד ר' אברהם גרין הי"ו אין לעיקוואד.
צו די פטירה פון הרבנית הצדיקת מסאסרעגען ע"ה, אשת חבר כ"ק אדמו"ר מסאסרעגען זצ"ל, זיצן שבעה די קינדער בני המשפחה אין ספינקא בית המדרש אויף די אכצנטע עוועניו אין בארא פארק, די דריי זיהן הגה"צ אבד"ק באבוב 45 שליט"א, כ"ק אדמו"ר מבריזדוביץ שליט"א, און הגה"צ ר' חיים יצחק רובין שליט"א אדמו"ר מקאלאמייא, און די טאכטער הרבנית מספינקא תליט"א, אשת חבר כ"ק אדמו"ר מספינקא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
