מיט גרויס צער און טרויער ווערט אויפגענומען די שווערע בשורה אז עס איז נפטר געווארן הגאון החסיד ר' שמעון שפירא ז"ל מגדולי המשפיעים אין ברסלב, א זון פונעם באקאנטן ברסלב'ער חסיד און משפיע ר' שמואל שפירא זצ"ל.
הגאון ר' שמעון האט געוואוינט אין ירושלים, פון וואו ער האט משפיע געווען תורה וחסידות פאר הונדערטער חסידים ומעריצים. ער איז געווען באקאנט מיט זיין צדקות ופרישות, און געווען פון די פני העדה אין די גרויסע ברסלב'ע שוהל אין מאה שערים.
היינט נאכמיטאג האט ער געליטן א שווערע הארץ אטאקע ביי זיך אינדערהיים, און טראץ די פרואוון פון הצלה איז ער ליידער נפטר געווארן לחיי העולם הבא אין עלטער פון זעקס און זיבעציג יאר.
