די אידישע געמיינדע אין שיקאגא האט אויפגענומען מיט פרייד איבער א געהויבענע חסידישע שבת וואס וועט געפראוועט ווערן אין שטאט, ווען כ"ק אדמו"ר מראחמיסטריווקא שליט"א פון מאנסי גרייט זיך אונטערצונעמען א נסיעה קיין שיקאגא מחזק צו זיין דעם ארטיגן אידנטום, און פראווענען א שבת אינאיינעם מיט די ארטיגע אידן לרומם קרן התורה והחסידות.
דער רבי שליט"א איז ערווארטעט ארויסצופארן קיין שיקאגא קומענדיגן מיטוואך פרשת בשלח ז' שבט, און וועט פארבלייבן אין שטאט ביז די נאכפאלגענדע מאנטאג פרשת יתרו, מיטוואך אויפדערנאכט וועט פארקומען א מעמד קבלת פנים לכבודו אין ביהמ"ד קהל חסד לאברהם זידטשויב, און שבת פרשת בשלח שבת שירה, וועט געפראוועט ווערן א געהויבענע שבת אין שפיץ פון רבי'ן בתוככי גבולות העיר.
