אפדעיט 12:30
די פייער איז דערווייל נאכנישט אונטער קאנטראל, א שרעקליכע רויעך קומט ארויס פון די געביידע און ברענגט אן א רויעך שמעק איבער די גאנצע אומגעגנט, אויך פון די הויז דערנעבן קומט ארויס רויעך, און די פייערלעשער האבן אויפגעשניטן די דאך פון די הויז מיטן האפענונג צו איבערקומען די פלאמען. דערווייל ווערן נאך פייערלעשער איינהייטן אלארמירט צו די סצענע, מיטן אויבערשטנס הילף איז יעדער געווארן ארויסגעראטעוועט באצייטנס.
12:01
א פייער האט יעצט אויסגעבראכן אין א באוואוינטע הויז אויף כתר טערעס אין מאנסי, א שטארקע רויעך ווערט פארשפרייט פון די פלאמען אינעווייניג אין די הויז, און פילע עמערדזשענסי אגענטורן געפונען זיך אויפן סצענע.
די צוויי אלארם פייער ברענט אין די הויז וואס איז באהאפטן צו ארומיגע הייזער, און פייערלעשער ארבעטן אז די פייער זאל זיך נישט פארשפרייטן ווייטער. חברים וואלאונטירן האבן זיכער געמאכט אז קיינער געפונט זיך נישט אינעווייניג, און די פייער דעפארטמענט האט אריינגערופן בעקאפ פון אנדערע געגנטער ארויסצוהעלפן אויפן ארט.
