די גאווערנער פון ניו יארק סטעיט גאווערנער האוקעל האט ערקלערט היינט צופרי אז זי נעמט אין באטראכט פארשידענע מעגליכקייטן צו אנידערזעצן דער מעיאר פון ניו יארק סיטי עריק עדעמס, נאך וואקסנדע דרוק ער זאל רעזיגנירן פון אמט, און אז די גאווערנער זאל נוצן איר פאליטישע מאכט ארויסצוצווינגען דעם מעיאר פון אמט.
האוקעל האט געזאגט אז זי נעמט עס אין באטראכט, און זי וועט עס אויסשמועסן מיט אירע נאנטע ראטגעבער, אין די צייט וואס אומגעהויערע דרוק וואקסט ווייטער אז עדעמס זאל רעזיגנירן פון פארשידענע פראנטן.
פילע עסקנים און שתדלנים פון די אידישע געמיינדע אין ניו יארק סיטי, האבן אויסגענוצט די געלעגנהייט און אפגעשיקט א בריוו צום גאווערנער, אז זי זאל נעמען אין באטראכט די פאקט אז דער מעיאר איז אריינגעוועלט געווארן דורך ניו יארקער וועלכע האבן הנאה פון זיין ארבעט, און די גאווערנער זאל נישט נוצן קיין פאליטישע מאכט, אין די צייט וואס אין בלויז עטליכע חדשים ארום וועלן ניו יארקער ווידער האבן די מעגליכקייט צו אנטשיידן אין פרישע וואלן אויב זיי טראסטן דעם מעיאר פאר ווידערוויילונג אדער נישט.
די בריוו איז אונטערגעשריבן דורך היימישע עסקנים וואס רעכנט אריין פארשטייער פון גרעסערע קהילות און מוסדות, צווישן זיי העסקן ר' בעריש פרייליך, ר' נפתלי משה אינדיג, ר' אברהם יעקב פריעדמאן, ר' אלי' כהן פון קראון הייטס, ר' יואל לאנדא פון סאטמאר, ר' משה מלמד פון סקווירא, ר' חיים פליישער פון באבוב, ר' חיים גאלדבערגער פון סאטמאר ב"פ, ר' אפרים פינק פון מוסדות בנות חי', ר' שלמה וועבער פון פאפא, ר' יואל וועלץ פון סאטמאר, ר' יואל פריעדמאן פון פאפא, און ר' אבי גרינשטיין פון בארא פארק קאונסיל.
