גאר פאזיטיווע נייעס ווערט געמאלדן פון פרעזידענט טראמפס מאר א לאגא רעזארט אין פלארידע, אז דער פרעזידענט האט היינט נאכמיטאג אונטערגעשריבן אן עקזעקוטיוו ארדער וואס פארלאנגט פרישע פאליסיס און פראיעקטן אנבאלאנגט ספעציעלע טריטמענטס, ארויסצוהעלפן מיט זרע של קיימא פאר נויטבאדערפטיגע משפחות.
פרעזידענט טראמפ האט שוין לאנג געזאגט אז ער וועט דאס טון און אז זיין אדמיניסטראציע ארבעט דערויף, אצינד איז עס געווארן א פאקט וואס דערפריידט אומצאליגע אידישע פאמיליעס וואס קוקן ארויס אויף א ישועה, געהאלפן ווערן מיט קינדערלעך, און א זעלטן שטארקע סוקסעס פאר די בארימטע "צדק" ארגענעזאציע וועלכע האט אריינגעלייגט אומגעהויערע כוחות און ריזיגע געלטער צו פאראויסשטופן דעם בילל.
הגם דאס איז בלויז די התחלה אינעם פראיעקט, איז עס אבער גאר א שטארקע טריט אויסצופירן דעם פאקטישן ביל עד הסוף, עפעס וואס בעז"ה העלפן אומצאליגע אידישע משפחות עד סוף כל הדורות.
