זונטאג שלח 3:30 נאכמיטאג

הונדערטער אידן זענען פארזאמלט ביי די דזשעי עף קעי לופטפעלד אין ניו יארק, וואו מען באגלייט אצינד די מיטה בדרכו האחרונה ארויף אויפן פליגער, צווישן די מלווים זעהט זיך אן כ"ק אדמו"ר מסטאניסלאוו שליט"א, און נאך הונדערטער אידן וואס טוען זיך שווער געזעגענען פון דעם געטרייען רבי און מנהיג.

ביי די לוויה אין בארא פארק האבן זיך אויך באטייליגט כ"ק האדמורי"ם מסקולען, צאנז קלויזענבורג, בלאזוב, ראפשיץ, הגה"צ אב"ד גלאגוב, הגה"צ דומ"ץ סאטמאר ב"פ, הגה"צ ר' בנימין אייזענבערגער אב"ד היכל התפילה, הגה"צ ר' יעקב ברוך לעדעררייך שליט"א אב"ד קארלין סטאלין ב"פ, הרה"ג ר' בנימין ברייער שליט"א דומ"ץ וויען ב"פ, און הרה"ג ר' יחיאל מיכל דאסקאל שליט"א ראש ישיבת צמח צדיק וויזניץ ב"פ.

זונטאג שלח 1:15 מיטאג

שווערע טויזענטער אידן ענדיגן אצינד באגלייטן די מיטה ביז צום אכט און דרייסיגסטע סטריט אין בארא פארק, צווישן אנדערע זעהט זיך אן הרה"ג ר' שלום רוקח שליט"א נכדו הגדול פון כ"ק אדמו"ר מבעלזא שליט"א, כ"ק האדמורי"ם מראחמיסטריווקא, ראחמיסטריווקא וויליאמסבורג, סקווירא ב"פ, ווערדאן פון ב"פ, גארליץ, פאפא ב"פ, און רימנוב.

-------

זונטאג שלח 1:10 נאכמיטאג

אלופי אלפי ישראל טוען אין די יעצטיגע מינוטן ארויסבאגלייטן די מיטה פון בית המדרש ברחובות העיר בארא פארק, נאכן ענדיגן די הספדים האט הרה"ג ר' ברוך בער אונגארישער שליט"א מנכבדי העדה, א זון פון הרה"ג ר' דן אונגארישער זצ"ל ראש ישיבת בית מדרש עליון, פארגעזאגט קל מלא רחמים מיט גרויסע בכיות. צווישן די מלווים זעהט זיך אן הגה"צ ר' יחיאל מיכל שטיינמעטץ שליט"א דומ"ץ סקווירא ב"פ, און הרה"ג ר' נחום מאיר גערמאן שליט"א ר"ם מתיבתא ד'באבוב.

-------

זונטאג שלח 1:00 מיטאג

יעצט ביי די גרויסע לוויה אין בארא פארק בהיכל ביהמ"ד הגדול אמונת ישראל, האט הרה"ח ר' שלמה לעזער הי"ו מנכבדי העדה אויסגערופן די צוואה פונעם גרויסן נפטר זצ"ל איבער די המשך ההנהגה, בנו חביבו הרה"ג ר' אברהם יצחק וואלפסאן שליט"א זאל איבערנומען די כתר ההנהגה אין קהל אמונת ישראל אין מאנסי, און נכדו חביבו הרה"ג ר' שמואל יהודה זילבער שליט"א זאל איבערנעמען די כתר ההנהגה אין קהל אמונת ישראל אין בארא פארק.

דער נייער רב הרה"ג ר' שמואל יהודה זילבער שליט"א איז ווי פריער דערמאנט דער עלטסטער זון פון כ"ק אדמו"ר מתולדות יהודה סטוטשין שליט"א, ער האט גענאסן א אויסטערלישע חביבות ביים גרויסן זיידן דער משגיח זצ"ל, וועלכער האט אים ממנה געווען אלס דיין און מורה צדק פון די קהילה.

היינט אויפדערנאכט קומט פאר אין מאנסי די גרויסע חתונה פונעם חתן א זון פון הגה"צ אבד"ק אמונת ישראל שליט"א, אין די זאלן פון אטריום פלאזא אין מאנסי.

יאריך ימים על ממלכתו!

זונטאג שלח 12:55 מיטאג

יעצט כחצות היום זעהן זיך אן ביי די מסע הלוויה כ"ק האדמורי"ם מבאבוב 45, טשערנאביל, ספינקא מאנסי, און הגאון הגדול רבי דוד שוסטאל שליט"א ראש ישיבה בית מדרש גבוה ד'לעיקוואד. יעצט איז מספיד הרה"ג ר' שמואל דוד הארדט שליט"א רב קהל אמונת ישראל אין שטאט ביתר, מגדולי התלמידים פונעם גרויסן נפטר זצ"ל.

-----

זונטאג שלח 12:30 מיטאג

יעצט טרעט אויף מיט דברי הספד הגה"צ רבי שמואל יהודה זילבער שליט"א דומ"ץ קהל אמונת ישראל, נכדו חביבו פונעם גרויסן נפטר דער משגיח זצ"ל, בן כ"ק אדמו"ר מתולדות יהודה סטוטשין שליט"א, און איידעם ביי כ"ק אדמו"ר מסערדאהעלי שליט"א. צווישן אנדערע זעהט זיך אן אצינד כ"ק האדמורי"ם מבית חיים יהושע, און וויזניץ שליט"א פון ירושלים.

זונטאג שלח 12:20 מיטאג

טויזענטער אידן זענען פארזאמלט לענגאויס די זעכצנטע עוועניו אין בארא פארק, צענדליגע הויכהילכערס אויסגעשפרייט ביי אלע ווינקלעך געבן די געלעגנהייט פארן ריזן ציבור צו מיטהאלטן די הספדים פון אינעווייניג, יעצט איז מספיד דער איידעם פונעם משגיח זצ"ל הרה"ג ר' גדלי' מאכליס שליט"א ראש כולל חסידי קארלין סטאלין אין בארא פארק.

זונטאג שלח 12:05 מיטאג

כ"ק אדמו"ר מבאבוב שליט"א קומט אן אצינד צו די גרויסע לוויה אין ביהמ"ד הגדול אמונת ישראל, אפצוגעבן דעם כבוד האחרון פאר ידידו ורעו דער משגיח זצ"ל. אזוי אויך זעהט זיך אן צווישן אנדערע כ"ק האדמורי"ם מאלעסק, זידטשויב באר שבע, באסטאן ב"פ, דומ"ץ טאהש ב"פ, הרה"ג ר' אברהם חיים שטיינארווצל אב"ד מטה אפרים ור"י שערי יושר, אב"ד סאדאוונא, אב"ד ראצפערט, אב"ד אור חיים, הרה"ג ר' לייבל וויליגער, און הרה"ג ר' ישראל ארנסטר.

------

------

זונטאג שלח 11:55 פארמיטאג

חתנו חביבו פונעם משגיח זצ"ל כ"ק אדמו"ר מתולדות יהודה סטוטשין שליט"א טרעט יעצט אויף מיט דברי הספד, צווישן אנדערע זעהט זיך אן כ"ק האדמורי"ם מוויען, קאסאן, לעלוב, בלאזוב ריבאטיטש, דאמבראווא, גאב"ד טענקא, אב"ד זרע קודש וראש ישיבת בית מאיר, און אב"ד רודניק.

------

זונטאג שלח 11:45 פארמיטאג

נאכן אריינפירן די מיטה אין היכל ביהמ"ד אמונת ישראל, האט הרב החסיד ר' שלמה לעזער הי"ו מנכבדי העדה פארגעזאגט קאפיטל תהלים מכתם לדוד, אצינד טרעט אויף מיט דברי הספד הרה"ג ר' חיים ראזענבערג שליט"א מראשי ישיבת שערי יושר, חתנו חביבו פונעם גרויסן נפטר דער משגיח זצ"ל.

------

זונטאג שלח 11:25 פארמיטאג.

הימל שפאלטענדע בכיות הערט זיך אצינד אין ביהמ"ד הגדול דקהל אמונת ישראל, ווען די מיטה איז אריינגעברענגט געווארן להיכל בית מדרשו אין די יעצטיגע מינוטן. פילע אידן זענען פארזאמלט מיט טרערן און די אויגן, און מען גייט אצינד אנהייבן די סדר הלוויה.

----------

זונטאג שלח 11:20 פארמיטאג

בפקודת הקודש פון כ"ק האדמורי"ם מסקווירא, באבוב, ראחמיסטריווקא, און וויזניץ שליט"א פון בארא פארק, וועלן אלע בחורי הישיבות און עלטערע קינדער פון תלמוד תורה אין בארא פארק, ארויסקומען לרחובה של עיר אפצוגעבן דעם כבוד האחרון פארן שריד לדור דעה דער זקן רבני העיר, אזוי אויך וועלן די בחורי הישיבות דחסידי סקווירא אין וויליאמסבורג ארויספארן קיין בארא פארק זיך צו באטייליגן ביי די לוויה.

----------

זונטאג שלח 10:50 פארמיטאג

אין די יעצטיגע מינוטן איז די מיטה אנגעקומען לביתו נאוה קודש פונעם משגיח זצ"ל אויף די דריי און פערציגסטע סטריט אין בארא פארק, אצינד געזעגענען זיך די בני המשפחה אינעם פראווע צימער פונעם משגיח מיט גרויס התעוררות, און ביז עטליכע מינוט וועט מען אריינברענגען די מיטה בהיכל ביהמ"ד הגדול וואו פילע אידן זענען שוין פארזאמלט אצינד.

זונטאג שלח 10:40 אינדערפרי

הונדערטער אידן זענען פארזאמלט אצינד פארנט פון ישיבה ומתיבתא תורה ודעת אין פלעטבוש, וואו די מיטה פונעם לאנגיעריגן משגיח און מרביץ תורה אין ישיבה הגה"צ אבד"ק אמונת ישראל זצ"ל איז אנגעקומען אין די פריערדיגע מינוטן, מיט גרויס התעוררות האט איינער פון די ראשי הישיבה פארגעזאגט קאפיטלעך תהלים, שיר המעלות ממעמקים פסוק בפסוק, און אצינד טוען הונדערטער תלמידים באגלייטן דעם גרויסן נפטר בדרכו האחרונה.

זונטאג שלח 10:15 אינדערפרי

צענדליגע פאליציאנטן און שטאטישע עסקנים געפונען זיך לענגאויס די הויפט גאסן אין די הארץ פון בארא פארק, ביים זעכצנטע עוועניו פארנט פון ביהמ"ד הגדול אמונת ישראל און אויף די גאס ווינקלעך ארום, צו פארזיכערן די טויזענטער באטייליגטע און אז אלעס זאל דורכגיין בשלום. די זעכצנטע עוועניו איז פולקאם פארשלאסן פון די ניין און דרייסיגסטע סטריט ביז די זיבן און פערציגסטע סטריט, אזוי אויך איז אפגעשלאסן אלע גאסן פון די ניין און דרייסיגסטע סטריט ביז די זעקס און פערציגסטע סטריט, פון די פופצנטע עוועניו ביז די זיבעצנסטע עוועניו, צו געבן די מאקסימום פלאץ פאר די צענדליגע טויזענטער אידן וואס טוען זיך שוין פארזאמלען אין די יעצטיגע מינוטן אפצוגעבן דעם כבוד האחרון פארן זקן רבני העיר.

---------

זונטאג שלח 10:00 אינדערפרי

אין ארום א האלבע שעה ארום וועט די מיטה אנקומען קיין פלעטבוש צום נאסטאלגישן ישיבה ומתיבתא תורה ודעת, דארט וואו דער גרויסער נפטר האט צענדליגע יארן נאכאנאנד מרביץ תורה געווען און דערהויבן תלמידים לאלפים נענטער צו ווערן צום בורא כל עולמים.

צוליב דעם וואס די לוויה אין בארא פארק איז שוין אפגעשטופט געווארן מיט א שעה, איז די פלאן אז די לוויה ביי ישיבה תורה ודעת וועט פארקומען אויף א שנעלע פארנעם, כדי נישט אויפצוהאלטן די טויזענטער מלווים וואס זענען שוין פארזאמלט ברחובות העיר בארא פארק אין די שווערע היצן.

---------

ערשטע בילדער פון די גרויסע לוויה פארנט פון ביהמ"ד הגדול אין שיכון סקווירא

זונטאג שלח 9:30 אינדערפרי

לעצטע הכנות ווערן געמאכט ברחובות העיר בארא פארק אין בעפארברייטונג צו די גרויסע לוויה וואס וועט פארקומען לענגאויס די זעכצנטע עוועניו, שווערע טויזענטער אידן זענען ערווארטעט צו שווארץ מאכן די גאסן ארום, און מיטהאלטן די לוויה בהיכל בית מדרשו של רבי אין ביהמ"ד אמונת ישראל, געטרייע עסקנים און כלל טוער פארענדיגן די הכנות, און ביי אלע ווינקלען ווערט אויסגעלייגט פארשידענע איינריכטונגען ווי פעקלעך וואסער צוליב די שווערע הייסע וועטער.

זונטאג שלח 9:15 אינדערפרי

אלפי חסידי סקווירא צוגייען זיך יעצט נאך די גרויסע לוויה אין שטעטל, פארנט פון ביהמ"ד הגדול האט הגה"צ ר' יוסף ישראל אייזענבערגער שליט"א דומ"ץ שיכון סקווירא פארגעזאגט קל מלא רחמים, און דערנאך האט דער פילקעפיגער ציבור אין שפיץ פון רבי'ן באגלייט די מיטה ארויף די גאסן פון דזשעפערסאן און וואשינגטאן, די מיטה איז געפירט געווארן ביז די ווינקל פון לינקאלן וואו מען האט עס אריינגעלייגט אין קאר, און דערנאך האט מען ווייטער באגלייט די אפענע קאר ביז די ארויסגאנג פון שטעטל בכבוד גדול.

זונטאג שלח 9:00 אינדערפרי

אלפי חסידי סקווירא זענען פארזאמלט אצינד ברחבת ביהמ"ד הגדול אין שטעטל, אפצוגעבן דעם כבוד האחרון פארן שריד לדור דעה דער זקן החסידים, מרן הגה"צ דער משגיח זכר צדיק לברכה, וועלכער איז אלע יארן געווען אדוק ומקושר צו אדמור"י בית סקווירא, און איז שטענדיג געקומען להסתופף בצל הקודש אין פארשידענע געלעגנהייטן.

בראש המלווים זעהט זיך אן כ"ק אדמו"ר מסקווירא שליט"א, ואתו עמו א רייע חשובי אדמורי"ם ורבנים, כ"ק האדמורי"ם מראחמיסטריווקא שליט"א פון מאנסי און ספרינג וואלי, כ"ק אדמו"ר מזוועהיל ארה"ב שליט"א, הגה"צ ר' רפאל שארר שליט"א אב"ד תפארת גדלי' וראש ישיבת וויזניץ, הגה"צ אבד"ק סלאנים מאנסי שליט"א, אלע סקווירא דיינים און חברי הבית דין צדק.

זונטאג שלח 7:00 אינדערפרי

די מיטה פון מרן המשגיח הגה"צ אבד"ק אמונת ישראל זצ"ל איז אצינד אויפן וועג קיין שיכון סקווירא, וואו די חברי חברא קדישא ד'שיכון סקווירא וועלן דורכפירן די טהרה אינעם ארטיגן טהרה שטיבל. 8:45 צופרי וועט פארקומען א גרויסע לוויה פארנט פון ביהמ"ד הגדול אין שיכון סקווירא, במקהלות עם רב חסידי סקווירא ובראשם כ"ק אדמו"ר מסקווירא שליט"א, וואו מען וועט באגלייטן די מיטה אויפן וועג קיין בארא פארק צו די גרויסע לוויה.

זונטאג שלח 2:00 פארטאגס

די מיטה פון מרן המשגיח הגה"צ אבד"ק אמונת ישראל זצ"ל איז נארוואס אריינגעברענגט געווארן בבית מדרשו של רבי, אין ביהמ"ד הגדול דקהל אמונת ישראל אויף די זעכצנטע עוועניו, פילע אידן זענען פארזאמלט אצינד אין ביהמ"ד און זאגן תהלים מיט בכיות נוראות, זיך צו געזעגענען פונעם געטרייען רבי און מנהיג.

אנדערש ווי פריער געמאלדן, וועט נישט פארקומען א באזונדערע לוויה אין סקווירא שטעטל, כ"ק אדמו"ר מסקווירא שליט"א וועט זיך באטייליגן ביי די גרויסע לוויה אין בארא פארק, און פון דארט וועט די מיטה געפירט ווערן צום קענעדי לופטפעלד.

-------

די גרויסע מסע הלוויה וועט פארקומען זונטאג צען אזייגער צופרי בהיכל בית מדרשו קהל אמונת ישראל אויף די זעכצנטע עוועניו, וואו צענדליגע טויזענטער אידן זענען ערווארטעט אפצוגעבן דעם כבוד האחרון באשכבתיה דרבי. די זעכצנטע עוועניו וועט זיין פולקאם פארשלאסן און אזוי אויך די ארומיגע גאסן צו קענען אקאמאדירן די מאסן מלווים, פון דארט וועט די מיטה געפירט ווערן קיין שיכון סקווירא, וואו די לוויה וועט ארויסגיין ארום צוועלף דרייסיג מיטאג פארנט פון ביהמ"ד הגדול אין שיכון סקווירא.

פינף אזייגער נאכמיטאג וועט די ארון הקודש זיך הייבן מיט א פליגער אויפן וועג קיין ארץ ישראל, וואו דער משגיח וועט קומען למנוחת עולמים עדי יעמוד לתחיה.