יעצט ביי די גרויסע לוויה אין בארא פארק בהיכל ביהמ"ד הגדול אמונת ישראל, האט הרה"ח ר' שלמה לעזער הי"ו מנכבדי העדה אויסגערופן די צוואה פונעם גרויסן נפטר זצ"ל איבער די המשך ההנהגה, בנו חביבו הרה"ג ר' אברהם יצחק וואלפסאן שליט"א זאל ממשיך זיין די כתר ההנהגה אין קהל אמונת ישראל אין מאנסי, וואו ער דינט שוין אלס רב א שיינע פאר יאר, און נכדו חביבו הרה"ג ר' שמואל יהודה זילבער שליט"א זאל איבערנעמען די כתר ההנהגה אין קהל אמונת ישראל וואס איז הויפטקוואטירט בעיר ואם בישראל בארא פארק.
דער נייער רב הרה"ג ר' שמואל יהודה זילבער שליט"א איז דער עלטסטער זון פון כ"ק אדמו"ר מתולדות יהודה סטוטשין שליט"א, און א איידעם ביי כ"ק אדמו"ר מסערדאהעלי שליט"א, ער האט גענאסן א אויסטערלישע חביבות ביים גרויסן זיידן דער משגיח זצ"ל, וועלכער האט אים ממנה געווען אלס דיין און מורה צדק פון די קהילה, ער איז באקאנט מיט זיין גדלות בתורה והוראה, און זיין זעלטענע עבודה אויף א געהויבענע פארנעם.
היינט אויפדערנאכט קומט פאר אין מאנסי די גרויסע חתונה פונעם חתן א זון פון הגה"צ אבד"ק אמונת ישראל שליט"א, אין די זאלן פון אטריום פלאזא אין מאנסי, וואו די הונדערטער חברי הקהילה וועלן האבן די געלעגנהייט זיך מיטצופרייען מיט די ערשטע שמחה במעון הקודש נאכן איבערנעמען די כתר ההנהגה, ווען אין די זעלבע צייט וועט מען מקבל זיין מיט געגועים די הייליגע נשמה פונעם משגיח זצ"ל, וועלכער וועט קומען משמי מעל מיטהאלטן די שמחה ווי עס ווערט געברענגט אין זוהר הק'.
יאריך ימים על ממלכתו
