אינערהאלב די העכסט מוצלח'דיגע ישיבה "קנין תורה" דחסידי סאטמאר אין מאנסי, איז אין די יעצטיגע טעג אונטערגענומען א גרויסע פראיעקט פון הרחבת גבולי הקדושה, ווען עס ווערט צוגעבויעט א פולקאם נייע עקסטענשן צו די געביידע, וואס וועט פילפאכיג פארגרעסערן און פארדאפלען די בנין הישיבה.
די ישיבה הק' קנין תורה שטייט בנשיאות כ"ק אדמו"ר מסאטמאר שליט"א, און אונטער די פערזענליכע הדרכה פון הגה"צ רבי אברהם צבי הלוי וואזנער שליט"א אבד"ק סאטמאר מאנסי, די בליה און וואוקס וואס זעהט זיך אן דורכאויס די יארן, האט געצווינגען די הנהלת הישיבה אונטערצונעמען א גרעסערע פראיעקט צו קענען פארוואנדלען די בנין הישיבה אין א פיל גרעסערע געביידע, וואס זאל קענען ארייננעמען דאפלט אזויפיל בחורים ווי ביז היינט.
ערשטע בילדער ערשיינען היינט ווי די בעלי מלאכה זענען אראפגעקומען אויפן ארט, און גרייטן שוין צו דעם באדן ארויפצובויען א נייע פליגל באהאפטן צו די יעצטיגע געביידע, וואס וועט האפענטליך זיין גרייט ביז עטליכע חדשים, עס צו קענען באנייען צום נייעם שנת הלימודים פון תשפ"ו.
