היינט קומט פאר די שמחת החתונה פון א אייניקל ביי כ"ק אדמו"ר ממשכנות הרועים שליט"א, די חתן א זון פון זיין זון הגה"צ ר' עקיבא יוסף ראבינאוויטש שליט"א ר"ם בישיבת תורת משה ד'סאטמאר מאנטריאל, איידעם ביי הגה"צ אבד"ק בוקשעוויץ זצ"ל, מיט די כלה א טאכטער פון הגה"צ ר' יהודה לייב אפרים לעמבערגער שליט"א אבד"ק מאקאווא מאנסי, זון פון הגה"צ אבד"ק מאקאווא אלעד זצ"ל, און איידעם ביי כ"ק אדמו"ר מדאמבראווא מאנסי שליט"א. – די שמחת החתונה קומט פאר אין זאל תפארת עלקא אין מאנסי.
שמחת בית סקווירא - וויזניץ – קאלאשיץ: היינט קומט פאר די שמחת השבע ברכות פונעם חתן ב"ח פון הגה"צ ר' יעקב יוסף טווערסקי שליט"א, זון פון כ"ק אדמו"ר מסקווירא שליט"א, און איידעם ביי כ"ק אדמו"ר מקאלאשיץ שליט"א, מיט די כלה א טאכטער פון הגה"צ ר' ישראל האגער שליט"א, זון פון כ"ק הגה"צ בעל אור שלום מוויזניץ זצ"ל, און איידעם ביי כ"ק הגה"צ גאב"ד פאלטישאן זצ"ל. אין די מיטאג שעות קומט פאר די שמחת השבע ברכות אין זאל פון עטרת טשארנא, צוגעשטעלט דורך הנהלת כולל דברי אש אין בארא פארק, און שפעטער ביינאכט קומט פאר די שמחת השבע ברכות אין ביהמ"ד הגדול אין שיכון סקווירא.
היינט קומט פאר די מעמד קביעת מזוזה און חנוכת הבית פאר די נייע בנין פון ישיבה גדולה בית ישראל וויזניץ אין לאנדאן, די מעמד קביעת מזוזה קומט פאר אין די מיטאג שעות אין די נייע בנין הישיבה אין ענפיעלד, שפעטער נאכמיטאג וועט פארקומען די מעמד הכנסת ספר תורה ביים גרויסן וויזניצע בית המדרש אין לאנדאן, נדבת הנגיד החסיד ר' יעקב יהושע פיש הי"ו, נאכגעפאלגט מיט די סעודה לגומרה של תורה און די גרויסע מעמד חנוכת הבית אין זאל פון יסודי התורה אין לאנדאן. שפעטער ביינאכט וועט כ"ק אדמו"ר מוויזניץ שליט"א פון לאנדאן ארויספארן אינאיינעם מיט די תומכים ובוני הישיבה אויף א געהויבענע נסיעה קיין ליזענסק.
היינט קומט פאר די מעמד הכנסת ספר תורה וואס ווערט אריינגעגעבן צום קארלסבורגער בית המדרש אין בארא פארק, לזכר נשמת כ"ק גאב"ד קארלסבורג זצ"ל ביומא דהילולא קדישא וואס געפאלט היינט כ"ג אדר, די סעודה לגומרה של תורה וועט פארקומען אינאיינעם מיט די יארצייט סעודה אין זאל עטרת חי' אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
