שמחת בית תולדות יהודה סטוטשין: היינט קומט פאר די שמחת השבע ברכות פונעם חתן א זון פון הגה"צ ר' צבי אביגדור יאזעפאוויטש שליט"א, זון פון הגה"צ ר' יוסף ברוך יאזעפאוויטש שליט"א אבד"ק צלותא דשלמה, און איידעם ביי הגה"צ אבד"ק סענדזשארץ שליט"א, מיט די כלה א טאכטער פון הגה"צ ר' ישראל זילה זילבער שליט"א אבד"ק תולדות יהודה סטוטשין אין מאנסי, זון פון כ"ק אדמו"ר מתולדות יהודה סטוטשין שליט"א. – די שמחת השבע ברכות קומט פאר אין ביהמ"ד הגדול תולדות יהודה סטוטשין אין בארא פארק.
היינט קומט פאר די יערליכע דינער "שהחיינו" לטובת מוסדות פאפא, אינאיינעם מיט די חנוכת הבית פאר די נייע זאל עטרת יחיאל אין די נייע בנין הת"ת דחסידי פאפא אין בארא פארק, אין שפיץ פון כ"ק אדמו"ר מפאפא שליט"א.
היינט קומט פאר די מעמד צאתכם לשלום לכבודו פון כ"ק אדמו"ר מצאנז שליט"א, וועלכער קערט זיך צוריק למעון קדשו אין ארץ ישראל נאך א לענגערע באזוך בקרב חסידיו אין אמעריקע, די מעמד קומט פאר נאך הבדלה אינעם גרויסן ארמון האטעל אין סטעמפארד קאנעקטיקוט.
היינט קומט פאר די יערליכע דינער "עמודים" לטובת מוסדות ראחמיסטריווקא אין מאנסי, אין די ווילחאוויץ זאל אין מאנסי, אין שפיץ פון די נשיאי המוסדות הגה"צ אבד"ק ראחמיסטריווקא מאנסי שליט"א און זיין איידעם כ"ק אדמו"ר מראחמיסטריווקא שליט"א פון ספרינג וואלי.
היינט קומט פאר די מעמד חגיגת יובל העשרים אין קהל יטב לב ד'סאטמאר מאנסי, אין זאל פון די בנין הת"ת בנין גאלדשטיין, אין שפיץ פון הגה"צ אבד"ק סאטמאר מאנסי שליט"א.
היינט קומט פאר אין בארא פארק א מלוה מלכה לטובת מוסדות וויזניץ אין וויליאמסבורג, אין ביהמ"ד נעימת החיים, אין שפיץ פון כ"ק אדמו"ר מוויזניץ שליט"א פון וויליאמסבורג.
היינט קומט פאר די מעמד לבבנו אליו לטובת די קרן הבנין פון די נייע לעלובער בית המדרש אין בית שמש, עס קומט פאר אין די פראכטפולע המספיק רעזארט אין די קעטסקילס, אין שפיץ פון כ"ק אדמו"ר מלעלוב שליט"א וועלכער איז צוגאסט די טעג אין ניו יארק בקרב חסידיו.
כ"ק אדמו"ר מקוזמיר שליט"א וועט היינט אפרעכטן די יארצייט טיש און מלוה מלכה לרגל די הילולא קדישא פון זקינו הרה"ק רבי יחזקאל'ע קוזמירער זי"ע, אינאיינעם מיט די מעמד צאתכם לשלום לקראת דעם רבינ'ס ארויספארן קיין לאנדאן צו באשיינען די שמחת החתונה פון א אייניקל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
