היינט קומט פאר די שמחת הברית פון א אייניקל ביי כ"ק אדמו"ר מבית יצחק ספינקא שליט"א, בן הנולד ביי זיין זון הרב יוסף נחמן הורוויץ שליט"א, אייניקל פון כ"ק אדמו"ר מקרעטשניף שליט"א. – די שמחה קומט פאר אין ספינקא בית המדרש אויף קיעפ סטריט אין וויליאמסבורג.
עס איז געשלאסן געווארן די שידוך פונעם חתן א זון פון הרב ברוך פנחס שיק שליט"א, זון פון כ"ק אדמו"ר מאוסטראה שליט"א פון וועסלי הילס, און איידעם ביי הגה"צ אבד"ק טאמאשוב שליט"א, מיט די כלה א טאכטער פון הגה"צ ר' משה יהושע מיכלאוויטש שליט"א אדמו"ר מבראד, איידעם ביי כ"ק אדמו"ר מנאראל שליט"א.
עס איז געשלאסן געווארן די שידוך פונעם חתן א זון פון הרב משה אהרן געלדצעהלער שליט"א, זון פון הגה"צ ר' דניאל געלדצעהלער שליט"א ראש ישיבת אור ישראל, און איידעם ביי הגה"צ אבד"ק לינז שליט"א, מיט די כלה א טאכטער פון הגה"צ ר' הערשל אשכנזי שליט"א אדמו"ר מזלאטשוב סטאניסלאוו, איידעם ביי הגה"צ גאב"ד מעזבוזש שליט"א.
והדליקו נרות בחצרות קדשך:
כ"ק אדמו"ר מוויזניץ שליט"א פון מאנסי וועט היינט אויפדערנאכט אפרעכטן די מעמד הדלקת נר חנוכה בהיכל ישיבה קטנה אמרי חיים וויזניץ, אין קרית הישיבות ריזאווליע אין נייעק.
כ"ק אדמו"ר מוויזניץ שליט"א פון קייאמישע וועט היינט אויפדערנאכט אפרעכטן די מעמד הדלקת נר חנוכה אין מאנסי, בבית מדרשו אין בנין ישיבת מונקאטש אויף רוט 306.
כ"ק אדמו"ר מסקולען שליט"א פון לעיקוואד וועט היינט אויפדערנאכט אפרעכטן די מעמד הדלקת נר חנוכה אין סטעטן איילענד, אין בית המדרש "מאור ישראל".
כ"ק אדמו"ר מקראלי שליט"א וועט היינט אויפדערנאכט אפרעכטן די מעמד הדלקת נרות חנוכה אין קרית יואל, אין שטוב פון הנגיד החסיד ר' משה זאב אפענהיים הי"ו.
כ"ק אדמו"ר מקרעטשניף סיגעט שליט"א וועט היינט אויפדערנאכט אפרעכטן די מעמד הדלקת נר חנוכה בבית מדרשו אין בית שמש.
כ"ק אדמו"ר מדזיקוב וויזניץ ב"פ שליט"א וועט היינט אויפדערנאכט אפרעכטן די מעמד הדלקת נרות חנוכה אין מאנסי, אין ביהמ"ד דברי משה גרויסווארדיין אויף ריטא עוועניו.
כ"ק אדמו"ר משענדישוב שליט"א וועלכער האט זיך אויפגעהאלטן די לעצטע וואך צייט אין לאס אנדזשעלעס, וועט היינט אנקומען קיין מאנסי און פראווענען די מעמדי הדלקת נר חנוכה היינט און מארגן בבית מדרשו אויף גראוו סטריט.
כ"ק אדמו"ר מתולדות יהודה סטוטשין שליט"א וועט היינט אויפדערנאכט אנקומען קיין לעיקוואד און אפרעכטן א מסיבה לכבוד חנוכה בקרב חסידיו, אין זאל פון ישיבה קטנה ד'לעיקוואד.
הגה"צ המשפיע ר' אלימלך בידערמאן שליט"א וועט היינט אויפדערנאכט אפרעכטן א מסיבה לכבוד חנוכה, אין ביהמ"ד הגדול תולדות אברהם יצחק אין ירושלים עיה"ק.
כ"ק אדמו"ר מביאלא שליט"א וועט היינט מיטאג באשיינען די יערליכע מסיבת חנוכה פאר די ילדי החסידות, אין ביהמ"ד הגדול ביאלא אין ירושלים.
כ"ק אדמו"ר מבוהוש שליט"א וועט היינט מיטאג באשיינען די יערליכע מסיבת חנוכה פאר די ילדי החסידות "גידולי יצחק", אין ביהמ"ד בוהוש אין בני ברק.
כ"ק אדמו"ר מסאדיגורא שליט"א וועט היינט מיטאג באשיינען די יערליכע מסיבת חנוכה פאר די ילדי הת"ת עקבי אבירים סאדיגורא, אין ביהמ"ד סאדיגורא אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
