שמחת בית שומרי אמונים: היינט קומט פאר די שמחת התנאים פונעם חתן א זון פון כ"ק אדמו"ר משומרי אמונים שליט"א פון בני ברק, איידעם ביי הגה"צ ר' יהודה יחיאל שיינפעלד שליט"א אדמו"ר מטאלטשאווא, מיט די כלה א טאכטער פון כ"ק אדמו"ר משומרי אמונים שליט"א פון ירושלים, איידעם ביי כ"ק אדמו"ר מהאלמין שליט"א. – די שמחה קומט פאר אין זאל פון ת"ת פינסק קארלין אין ירושלים.
שמחת בית ראחמיסטריווקא: היינט קומט פאר די שמחת התנאים פון א אייניקל ביי כ"ק אדמו"ר מראחמיסטריווקא לעיקוואד שליט"א, די חתן א זון פון זיין איידעם הגה"צ ר' איתמר מרדכי דוד רובין שליט"א, זון פון כ"ק אדמו"ר מסוליצא שליט"א פון פאראקאוועי, מיט די כלה א טאכטער פון הגה"צ ר' מרדכי דוב בעק שליט"א אב"ד טאלמיטש, זון פון כ"ק אדמו"ר מטשערקאס שליט"א, און איידעם ביי כ"ק אדמו"ר מסקולען זצ"ל. – די שמחת התנאים קומט פאר אין זאל תפארת עלקא אין מאנסי.
היינט נאכט כ"ה חשון געפאלט די יומא דהילולא קדישא פון הרה"ק מבולגרייא זי"ע, בנו כ"ק אדמו"ר מבעלזא שליט"א וועט אפרעכטן די יארצייט טיש היינט אויפדערנאכט אין די גרויסע שטוב אין קרית בעלזא ירושלים, מארגן דינסטאג וועלן טויזענטער חסידי בעלזא ארויפגיין צום ציון הק' אויפן אלטן בית החיים אין טבריה.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד בית אהרן אין וויליאמסבורג, לע"נ הרבנית טייטלבוים ע"ה, אשת חבר הגה"צ ר' ליפא טייטלבוים שליט"א אבד"ק בית אהרן, טאכטער פון כ"ק אדמו"ר מקיוויאשד זצ"ל. די תהלוכה גייט ארויס פון שטוב פון הגה"צ אבד"ק בית אהרן שליט"א און עס וועט ווערן אריינגעפירט צום נייעם היכל בית המדרש אויך וואלאבאוט, דערנאך וועט פארקומען די סעודת מצוה אינאיינעם מיט די שמחת השבע ברכות פון א אייניקל ביים רב שליט"א, בשמחת בית ראחמיסטריווקא בארניב, אין זאל פון עידן לאנדא אין וויליאמסבורג.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד בית מרדכי אין קרית יואל, נדבת הרב החסיד ר' מאיר יוסף טייטלבוים הי"ו.
היינט קומט פאר די פראכטפולע דינער לטובת קופת חתנים ד'באבוב 45, אין זאל פון אנשי ספרד אין בארא פארק, וואו מען וועט הערן דברות קודש פון כ"ק אדמו"ר מבאבוב 45 שליט"א.
היינט קומט פאר אין לאנדאן א עצרת הספד והתעוררות צו די הסתלקות פון כ"ק אדמו"ר מפאריסוב זצ"ל, עס קומט פאר אין זאל פון פרדס וויזניץ, וואו עס וועט אויפטרעטן אחיו הגדול כ"ק אדמו"ר ממשכנות הרועים שליט"א, וועלכער איז צוגאסט די טעג אין לאנדאן לכבוד א שמחה.
צו די פטירה פון הרבנית הצדיקת מסאסרעגען ע"ה, אשת חבר כ"ק אדמו"ר מסאסרעגען זצ"ל, זיצן שבעה די קינדער בני המשפחה אין ספינקא בית המדרש אויף די אכצנטע עוועניו אין בארא פארק, די דריי זיהן הגה"צ אבד"ק באבוב 45 שליט"א, כ"ק אדמו"ר מבריזדוביץ שליט"א, און הגה"צ ר' חיים יצחק רובין שליט"א אדמו"ר מקאלאמייא, און די טאכטער הרבנית מספינקא תליט"א, אשת חבר כ"ק אדמו"ר מספינקא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
