היינט מאנטאג איז געבויעט געווארן דער ציון הק' אויפן מקום מנוחת הקודש פון כ"ק אדמו"ר מקאסוב זצ"ל, שטייענדיג ביום השלושים להסתלקותו פארלאפענעם כ"ג סיון.
ווי איינגעפירט ביי די שלשלת הקודש לבית קאסוב וויזניץ, האט מען נישט אויפגעבויעט א הויכע מציבה ווי ביי געווענליכע קברים, נאר א ספעציעלע שטיינערנע קעסטל וואס נעמט ארום דעם ציון הק', ווען אין פארנט ווערט אויפגעשריבן די נאמען פונעם רבי'ן וואס ליגט דארט, און די חלל אינעווייניג ווערט אהערגעשטעלט מ'זאל קענען דארט אריינלייגן די קוויטלעך.
אזוי אויך האט מען צענומען און איבערגעבויעט די ציון הק' פונעם רבינ'ס פאטער האדמו"ר מקאסוב זאליטשיק זצ"ל, און אהערגעשטעלט די גאנצע מתחם הציון הק' צו פארגרינגערן פאר די פילע מתפללים וואס קומען פוקד זיין דעם ציון הק' להיפקד בדבר ישועה ורחמים.
