פון חצר הקודש קאסוב איז געמאלדן געווארן אז דעם קומענדיגן מאנטאג חמשה עשר באב, וועט כ"ק אדמו"ר מקאסוב שליט"א אנקומען אויף א תפילת רבים אויפן פלאץ וואו עס איז געשטאנען משכן שילה אין לויף פון הונדערטער יאר, שמשם לא זזה שכינה מעולם.
ווי באקאנט פלעגט כ"ק אדמו"ר הרה"ק מקאסוב זצ"ל וויילן אין ארץ ישראל דורכאויס די זוממער וואכן, און ארומפארן צו די מקומות הקדושים מתפלל זיין לישועת הכלל והפרט, פון די שטערקסטע מעמדים יאר יערליך איז געווען די מעמד התפילה אויפן פלאץ פון משכן שילה, ווען דער רבי פלעגט ארויספארן בראש קהל חסידיו יעדעס יאר ארום די טעג פון חמשה עשר באב, מתפלל זיין מקובל'דיגע תפילות און זינגען ווארעמע ניגונים בהתעוררות רב.
אצינד איז געמאלדן געווארן אז אויך דאס יאר וועט פארגעקומען די התעוררות'דיגע מעמד התפילה אין שפיץ פון בנו ממלא מקומו כ"ק אדמו"ר מקאסוב שליט"א וועלכער וויילט אצינד אין ארץ ישראל דורכאויס די זוממער וואכן, מקום מושבו ביזן איבערנעמען די כתר האדמורו"ת. די מעמד וועט פארקומען קומענדיגן מאנטאג חמשה עשר באב, און באסעס וועלן זיין צוגעשטעלט פון עטליכע געגנטער אין די גרעסערע שטעט אין ארץ ישראל.
