ביטערע נייעס הערט מען פון ארץ ישראל, אז דאס קינד וואס איז ל"ע קריטיש פארוואונדעט געווארן אין די שרעקליכע טעראר אטאקע אויף א באס, אונטערוועגנס פון ביתר קיין ירושלים, איז ליידער אומגעקומען פון די שווערע וואונדן ה"י נאכן ווערן באטראפן מיט א קויל אין זיין האלז רח"ל. דאס קינד איז הילד יהושע אהרן טובי' שמחה הי"ד, 10 יאר אלט, א זון פון להבחל"ח הרה"ג ר' זושא שמחה שליט"א ר"י ישיבת כלל חסידי אין ביתר. דער טעראריסט וועלכער האט דורכגעפירט די שיסעריי אטאקע איז שפעטער געכאפט און ארעסטירט געווארן דורך די פאליציי.
--------
א שרעקליכע טעראר אטאקע האט זיך אפגעשפילט יעצט ביינאכט נעבן ירושלים, ווען טעראריסטן האבן געשאסן אויף א אידישע באס און פארוואונדעט עטליכע אידן.
לויט די ערשטע באריכטן האט א טעראריסט געעפנט פייער אין ריכטונג פון די באס אויף כביש 60 נעבן ירושלים, א צען יעריג קינד קריטיש פארוואונדעט געווארן פון א פליענדע קויל, און איז אפגעפירט געווארן אין שפיטאל אין א שווערע צושטאנד, נאך עטליכע מענטשן זענען נאך פארוואונדעט געווארן, און די פאליציי איז אין א העפטיגע געיעג צו כאפן דער טעראריסט.
