אין א זעלטענע שריט האט כ"ק אדמו"ר מבאבוב שליט"א געפראוועט א סעודת מלוה מלכה מיט א ענגע צאל בחורים פון די באבובער מתיבתא, די רעדע איז פון א קבוצה בחורים פון שיעור ד' און ארויף, וואס האבן זיך מצטיין געווען אין די לימודים דורכאויס די זוממער.
די בחורים האבן ערהאלטן א ווארעמע הזמנה פונעם רבי'ן עטליכע טעג פריער, און געקומען צו פארן פון די מתיבתא קעמפ אין פענסילוועניע צום רבינ'ס קור ארט אין ווייט לעיק, וואו די מלוה מלכה איז געווארן צוגעשטעלט אין די דעי קעמפ הויז אין די זוממער קאלאניע וואו דער רבי שליט"א וויילט דורכאויס די זוממער וואכן.
עס האבן באשיינט די מרביצי תורה, דער ראש ישיבה הגה"צ ר' ברוך אברהם הורוויץ שליט"א, לצדו פונעם רבי'ן שליט"א וועלכער איז איבערגעגעבן א גאנץ יאר ארויסצוהעלפן און באגלייטן די בחורים. דער רבי האט געגעבן שלום פאר יעדן באזונדער און זיך אינטערסירט ביי יעדן, געפראוועט א מלוה מלכה פאר העכער דריי שעה, און משמיע געווען דברי חיזוק והדרכה איבער א שעה צייט. אזוי אויך האט דער באבובער ראש ישיבה אויפגעטרעטן מיט א שמועס און דערציילט סיפורי צדיקים, און הרב שלום קעסלער שליט"א האט פארגעזינגען געשמאקע גראמען.
