א איבערראשענדע מעלדונג ווערט אצינד פארשפרייט ביי כלל חסידי באבוב, איבער די גרינדונג פון א נייע חתונה פלאן מיטן נאמען "חיים של שלום", מיטן ציהל צו פארגרינגערן די טויזענטער חסידים בעת שמחתם, און דראסטיש רעדוצירן די אסטראנאמישע הוצאות וואס פלאגט דעם היימישן ציבור.
די נייע חתונה פלאן איז נארוואס פראקלאמירט געווארן פאר די חסידים, אין בעפארברייטונג צו א גרויסארטיגע אסיפה וואו אלע חסידים וועלן זיך צוזאמנעמען כאיש אחד בלב אחד, דעם קומענדיגן מאנטאג פרשת בהעלותך הבעל"ט, וואו עס וועט ווערן ברייט אויסגעשמועסט די גענויע דעטאלן ארום די נייע חתונה פלאן, וואס איז ערווארטעט צו שניידן חתונה הוצאות אויף א שטארקע פארנעם.
