אין די טעג איז פארגעקומען די הכשרה לכבוד פסח אין די פירמע מיל- מארט וואס שטעלט צו עסן כשר לפסח פאר יהדות החרדית בארצות הברית אין אלע געגענטער פאר אלע שיכטן אין קרייזן. דאס כשרן אזא גרויסע פלענט איז נישט קיין גרינגע אינטערנעמונג, דאס צוגרייטן די פלעינט צום כשרן געדויערט איבער א וואך, און דאס כשרן אליין נעמט אפאר טעג לנצח על מלאכת הקודש.
דאס ווערט באגלייט אדורך א ברייטער שטאב פון משגיחי מומחים וואס ארבעטן געטריי אויף דעם מלאכת הקודש, ועל ראשם די ראש המשגיחים הרב ר' יעקב יצחק יאקאבאוויטש שליט"א וואס איז דער שליח אויסצופירן די הוראות פונם רב המכשיר הגה"צ נירבאטור רב שליט"א.
במשך די וואך פון די הכשרה ווערט געגעבן די געלעגענהייט פאר אלע כשרות ארגניזאציע'ס זאלן קענען קומען מיטהאלטן פון די נאנט צו זעהן די חומרות והידורים וואס ווערן אריין געלייגט בטירחא דגופא ובטירחא דממונא, אז דאס זאל זיין אויף אזא אופן וואס די מאכלים זאלן קענען ווערן ארויף געברענגט על שלחן מלכים בלי שום פקפוק בפרט אין די ימי הפסח צו נזהר זיין פון א משהו חמץ.
ס'זענען געקומען מיט האלטן די הכשרה רבנים מטעם טארטיקובע'ר רב, סקווירא בי"ד ווי אויך פון די או יו, סטאר קעי און פון די כף קעי.
ווי אלע זענען ארויס פון התפעלות ווי אזוי דאס ווערט באוויזן אזא ריזגע פאבריק זאל ווערן איבער געביטן אויף כשר לפסח.
צום באשטימטן טאג איז הגה"צ די רב שליט"א גאב"ד ביד"צ נירבאטור געקומען אין באגלייטונג פון בנו הרה"ג ר' ליפא טייטלבוים שליט"א מחברי הבד"ץ און געכשרט די פארצוויייגטע מאשינערי אז מזאל קענען אנהייבן די פראדוקציע אויף חג הפסח הבעל"ט מיט א תפלה באגלייט צו השי"ת שלא יצא מכשול מתחת ידינו.
