שמחת בית סאטמאר – ספינקא – פאפא ב"פ: היינט קומט פאר די שמחת החתונה פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין זון הגה"צ ר' יעקב בער טייטלבוים שליט"א אבד"ק סיגעט, איידעם ביי כ"ק אדמו"ר משאפראן זצ"ל, מיט די חתן א זון פון הגה"צ ר' יהושע שלום ווייס שליט"א אבד"ק ספינקא, זון פון כ"ק אדמו"ר מספינקא שליט"א, און איידעם ביי הגה"צ אבד"ק פאפא ב"פ שליט"א. – די מעמד קבלת פנים און חופה קומט פאר אין ביהמ"ד הגדול דקהל יטב לב ד'סאטמאר אין בארא פארק, און די שמחת החתונה אינעם גרויסן זאל אויף די זיבן און דרייסיגסטע סטריט אין בארא פארק.




היינט קומט פאר די שמחת החתונה פונעם חתן א זון פון הגה"צ ר' ישראל וואזנער שליט"א אבד"ק מינסק, זון פון כ"ק גאב"ד זכרון מאיר זצ"ל, און איידעם ביי כ"ק אדמו"ר מגארליץ שליט"א פון ב"פ, מיט די כלה א טאכטער פון הגה"צ ר' אלקנה זאבערמאן שליט"א, זון פון הגה"צ ר' משה זאבערמאן זצ"ל, און איידעם ביי הגה"צ דומ"ץ טאהש ב"פ שליט"א. – די שמחת החתונה קומט פאר אין זאל תפארת רבקה אין בארא פארק.
שמחת בית סקאליע – גאלאנטא – ברעזנא – וואולקאן: היינט קומט פאר די שמחת התנאים פון א אייניקל ביי כ"ק אדמו"ר מגאלאנטא שליט"א, די חתן א זון פון זיין איידעם הגה"צ ר' יוסף יעקב ניישלאס שליט"א, זון פון הגה"צ אבד"ק ברעזנא שליט"א, מיט די כלה א טאכטער פון הגה"צ ר' יעקב אהרן נח אויש שליט"א, זון פון הגה"צ ר' יצחק אויש שליט"א מוואולקאן, און איידעם ביי כ"ק אדמו"ר מסקאליע שליט"א. – די שמחה קומט פאר אין סקאליע ביהמ"ד אין בארא פארק.

היינט קומט פאר די מעמד הנחת תפילין פון א אייניקל ביי כ"ק אדמו"ר מבאבוב שליט"א, א זון פון זיין זון הגה"צ ר' מרדכי דוב האלבערשטאם שליט"א, איידעם ביי הגה"צ ר' ברוך אברהם הורוויץ שליט"א ראש ישיבת באבוב. – די מעמד הנחת תפילין קומט פאר אין ביהמ"ד הגדול באבוב אין בארא פארק, נאכגעפאלגט מיט א מסיבת לחיים נאך שחרית.
היינט קומט פאר די שמחת הבר מצוה פון א זון ביי הגה"צ ר' חיים מאיר טווערסקי שליט"א אבד"ק אוסטילא עירמאונט, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מקאסאני שליט"א. – די שמחה קומט פאר אין זאל פון ישיבת וויזניץ אויף עישעל לעין אין מאנסי.

היינט קומט פאר די גרויסע מעמד "בהתאסף" פאר טויזענטער חסידי גור בארה"ק, אוועקצושטעלן א פעסטע יסוד פאר איחוד מוסדות גור, די מעמד קומט פאר אין ביהמ"ד הגדול גור אין ירושלים, אין שפיץ פון כ"ק אדמו"ר מגור שליט"א.




אין די זעלבע צייט וועלן הונדערטער חסידי גור פון אמעריקע זיך פארזאמלען אין די עטרת גאלדא זאל אין בארא פארק, מיטצוהאלטן דעם גרויסן מעמד.


היינט קומט פאר די גרויסע מעמד בונים ביחד לטובת די קרן הבנין פון ביהמ"ד אור מרדכי דחסידי וויזניץ אין מאנסי שכונת יוניאן, די מעמד קומט פאר אין ביהמ"ד הגדול אין שיכון וויזניץ מאנסי, אין שפיץ פון כ"ק אדמו"ר מוויזניץ שליט"א פון מאנסי.



היינט קומט פאר די מעמד גדלו וטובו לטובת מוסדות באבוב 45 אין לאנדאן, אין די ברית שטוב בבנין ביהמ"ד הגדול באבוב 45 אין בארא פארק, אין שפיץ פון כ"ק אדמו"ר מבאבוב 45 שליט"א.


היינט קומט פאר די מעמד השלמת בית ה' להשלמת בנין ביהמ"ד החדש אור יצחק ראחמיסטריווקא אין אוקענוויין, אין שטוב פון הרב יעקב יוסף טווערסקי שליט"א נכד כ"ק אדמו"ר מסקווירא שליט"א, אין שפיץ פון כ"ק אדמו"ר מראחמיסטריווקא שליט"א פון אוקענוויין וועלכער האט געוויילט דעם שבת אין שיכון סקווירא.

כ"ק אדמו"ר מבאבוב 45 שליט"א וועלכער איז צוגאסט אין שיקאגא לרגל די שמחת השבע ברכות פון א אייניקל, וועט היינט פארמיטאג אויפטרעטן מיט א שיעור כללי אין ישיבת טעלז אין שיקאגא, און שפעטער אין טאג זיך אומקערן אהיים למעון קדשו אין בארא פארק.

כ"ק אדמו"ר מסאדיגורא שליט"א וועלכער האט זיך אויפגעהאלטן די לעצטע וואך צייט בקרב חסידיו אין ניו יארק, קערט זיך היינט צוריק למעון קדשו אין בני ברק.
היינט אויפדערנאכט י"ג כסלו געפאלט די יומא דהילולא קדישא פון הרה"ק בעל דברי ישראל ממודזיץ זי"ע, פילע אידן קומען אן צום שטאט ווארשא אין פוילין צו פוקד זיין דעם ציון הק' להיפקד בדבר ישועה ורחמים.


נכדו כ"ק אדמו"ר ממודזיץ שליט"א וועט אפרעכטן די יארצייט טיש אין ביהמ"ד הגדול מודזיץ אין בני ברק.
נכדו כ"ק אדמו"ר מקוזמיר שליט"א וועט אפרעכטן די יארצייט טיש בבית מדרשו אויף רחוב רש"י אין בני ברק.

אריינצושיקן מודעות און נייעס, שיקט אן אימעיל צו NEWS@JDNMAIL.COM