אידישע קינדער זענען היינט מרבה בתפילה למען בריאותו השלימה פון כ"ק אדמו"ר מסאטמאר שליט"א, וועלכער גייט אריבער א מעדיצינישע באהאנדלונג אויפן הארץ, נאך וואס די דאקטוירים האבן געראטן דורכצופירן א סטענד צו פארבעסערן דעם רבינ'ס מצב הבריאות.
אין לויף פון די לעצטע יאר צייט האט דער רבי געליטן פארשידענע מיחושים, און נאך גרונטליכע אונטערזוכונגען איז קלאר געווארן אז מען דארף דורכפירן א סטענד פראצעדור אויפצושטאפן איינער פון די אדערן, עס זאל חלילה נישט צוקומען צו א מצב סכנה אין די צוקונפט.
דער רבי שליט"א האט היינט געדאווענט שחרית כוותיקין בביתו נאוה קודש, און איז באלד נאכן דאווענען אריינגעפארן אין שפיטאל וואו עס ווערט דורכגעפירט די פראצעדור אין די יעצטיגע שעות, מען האפט אז דער רבי וועט בעז"ה קענען אהיימקומען ווי אמשנעלסטן בבריות גופא ונהורא מעליא, און כלל ישראל איז מתפלל לרפואת כ"ק מרן יקותיאל יהודה בן פעסיל לאה להחלימו ולרפאותו, להחזיקו ולהחיותו.
