אינערהאלב די העכסט מוצלח'דיגע קראלי יונגל קעמפ "מחנה זרע אברהם" אין פאולסבורג, גרייט מען זיך אצינד אויף א גרויסע מעמד פון הרחבת גבולי הקדושה, ווען עס וועט געפייערט ווערן די מאמענט וואס מען וועט גיסן די יסודות פאר די נייע מקוה וואס ווערט געבויעט בשערי המחנה.
די הנהלת המחנה האט אין די לעצטע צוויי יאר אונטערגענומען דראסטישע שריט פון הרחבת גבולי הקדושה, נאכצוקומען די בליה און וואוקס פון די צאל תלמידי המחנה בליעה"ר, דאס יאר איז געלאזט געווארן אין גאנג א מאסיווע בוי פראיעקט אויפצובויען א שפאגל נייע בנין לשם ולתפארת, און אצינד גרייט מען זיך צו גיסן די יסודות פאר די מקוה וואס ווערט געבויעט אין דעם נייעם בנין.
די פרייליכע מעמד יציקת הבורות וועט פארקומען מארגן פרייטאג ערב שבת קודש, ערב שבת נחמו, עלף אזייגער פארמיטאג ברוב פאר והדר, אין שפיץ פון כ"ק אדמו"ר מקראלי שליט"א וועלכער באגלייט פערזענליך די גאנצע בוי פראיעקט, און איז באקאנט מיט זיין זעלטענע איבערגעגעבנקייט צו יעדן תלמיד באזונדער.
