היינט קומט פאר די מעמד הנחת אבני הפינה פאר די צוויי נייע בנינים פון מוסדות מונקאטש אין מאנסי, בנין הישיבה יודעי בינה מונקאטש, און בנין התלמוד תורה תפארת בנים מונקאטש, אויפן שטח הבניה פון די ישיבה געביידע, אין שפיץ פון כ"ק אדמו"ר ממונקאטש שליט"א.
היינט קומט פאר די מעמד סיום מסכת סוכה והתחלת מסכת קידושין במסגרת הלימוד אהבת תורה דחסידי סאדיגורא, עס קומט פאר אינעם היכל הסאלאש ביי ביהמ"ד הגדול סאדיגורא אין בני ברק, אין שפיץ פון כ"ק אדמו"ר מסאדיגורא שליט"א.
היינט קומט פאר א כינוס "מקדישי שמך" פאר חסידי וויזניץ אין לאנדאן, לטובת די מגבית פון איגוד מוסדות וויזניץ בארה"ק, עס קומט פאר אין די וועניו זאל אויף סטעמפארד הילל.
מרנן ורבנן גדולי הדור בארה"ק קומען היינט אן אויף א געהויבענע נסיעה קיין אייראפע לטובת קרן עולם התורה בארה"ק, היינט זונטאג וועלן די גדולי הדור אנקומען קיין לאנדאן, וואו עס וועט פארקומען א גרויסע קבלת פנים ברחובה של עיר, ביים צענטראלן פרינצעס פארק עוועניו אין גאלדערסגרין.
כ"ק אדמו"ר מדושינסקיא שליט"א וועלכער האט זיך אויפגעהאלטן די לעצטע צוויי וואכן אין ניו יארק לרגל די שמחת החתונה פון א אייניקל, וועט היינט ארויספארן פון ניו יארק קיין לאנדאן, לטובת די קרן הבנין פון די נייע ת"ת דחסידי דושינסקיא אין לאנדאן.
היינט קומט פאר די שמחת החתונה פונעם חתן א זון פון הגה"צ ר' יוסף מאיר פעלדמאן שליט"א, זון פון הגה"צ ר' זאב פעלדמאן שליט"א רב דקהל תורה עץ חיים אין לאנדאן, און איידעם ביי הגה"צ ר' מרדכי אויערבאך זצ"ל אבד"ק אביר יעקב תל אביב, מיט די כלה א טאכטער פון הגה"צ ר' מנחם שלמה בורנשטיין שליט"א, זון פון כ"ק אדמו"ר מסוכוטשוב שליט"א, און איידעם ביי כ"ק אדמו"ר מטריסק שליט"א פון ירושלים. – די שמחת החתונה קומט פאר אין זאל הכרמים אין בית שמש.
היינט קומט פאר די שמחת החתונה פונעם חתן א זון פון הגה"צ ר' מרדכי טייטלבוים שליט"א, זון פון הגה"צ אבד"ק נעפלעמיץ שליט"א, און איידעם ביי הגה"צ ר' יהושע העשיל ראזנער שליט"א מטערצאל, מיט די כלה א טאכטער פון הגה"צ ר' מאיר דוד מרדכי הכהן גלאנץ שליט"א, זון פון הגה"צ אבד"ק בארדיוב שליט"א, און איידעם ביי הגה"צ סערעדנא שליט"א. – די שמחת החתונה קומט פאר אין זאל עטרת גינענדל אין מאנסי.
היינט קומט פאר די שמחת החתונה פונעם חתן א זון פון הגה"צ ר' משה אונסדארפער שליט"א, זון פון הגה"צ אבד"ק אמרי יהודה ברעזאן שליט"א, און איידעם ביי הגה"צ ר' אפרים מרדכי קלוגהופט שליט"א מסטרעליסק, מיט די כלה א טאכטער פון הגה"צ ר' לייבוש שנעעבאלג שליט"א, זון פון הגה"צ ר' יצחק אייזיק שנעעבאלג שליט"א אבד"ק מאחנובקא בעלזא וומס"ב, און איידעם ביי הגה"צ ר' יצחק ראבינאוויטש שליט"א מרבני באיאן וומס"ב. – די שמחת החתונה קומט פאר אין אימפעריאל זאל אין וויליאמסבורג.
היינט קומט פאר די שמחת החתונה פונעם חתן א זון פון הגה"צ ר' כתריאל בראנדוויין שליט"א מסטרעטין, מיט די כלה א טאכטער פון הגה"צ ר' שלום פסח ווידער שליט"א, זון פון הגה"צ אבד"ק לינז שליט"א, און איידעם ביי הגה"צ ר' שלום אליעזר ליפשיץ שליט"א, חתן כלה אייניקלעך פון הרה"ק בעל קדושת ציון מבאבוב זי"ע. – די שמחת החתונה קומט פאר אין די לעגאסי זאל אין בארא פארק.
היינט קומט פאר די שמחת החתונה פונעם חתן א זון פון הגה"צ ר' יואל האלבערשטאם שליט"א, זון פון הגה"צ ר' פייוויל האלבערשטאם זצ"ל מקשאנוב, און איידעם ביי הגה"צ ר' יעקב האניג שליט"א מקאזעווע, מיט די כלה א טאכטער פון הגה"צ ר' זלמן איליאוויטש שליט"א, זון פון הגה"צ גאב"ד קהילות החרדים ס. פאולא בראזיל שליט"א, און איידעם ביי הגה"צ ר' יחזקאל גאלד שליט"א אבד"ק שערי חסד. – די שמחת החתונה קומט פאר אין די ווערדיגער זאל אין מאנסי.
היינט קומט פאר די שמחת הברית פון א אייניקל ביי כ"ק אדמו"ר מסקאליע שליט"א, בן הנולד ביי זיין איידעם הרב ירוחם חיים שטעג שליט"א, זון פון הרה"ג ר' מאיר זלמן שטעג שליט"א ראה"כ תולדות אהרן מאנסי. – די שמחה קומט פאר אין סקאליע ביהמ"ד אין בארא פארק.
היינט קומט פאר די שמחת פדיון הבן פון א אייניקל ביי כ"ק אדמו"ר מפאריסוב שליט"א, בן הנולד ביי זיין זון הרב בנימין ראבינאוויטש שליט"א, איידעם ביי הגה"צ ר' חיים מרדכי געשטעטנער שליט"א, איידעם ביי כ"ק אדמו"ר מקארלין לעלוב זצ"ל. – די שמחה קומט פאר אין ביהמ"ד פאריסוב אין ירושלים.
עס איז געשלאסן געווארן די שידוך פונעם חתן א זון פון הגה"צ ר' ישראל שטערנבוך שליט"א, זון פון הגה"צ ר' אשר חיים שטערנבוך שליט"א אב"ד אהל יעקב ודומ"ץ קהל מחזיקי הדת אנטווערפן, און איידעם ביי כ"ק אדמו"ר מוויעליפאלי שליט"א, מיט די כלה א טאכטער פון הגה"צ ר' נפתלי צבי הורוויץ שליט"א, זון פון הגה"צ ר' אלטר אליעזר הורוויץ שליט"א אב"ד אגודת ישראל ב"פ, און איידעם ביי הגה"צ ר' חיים פייוויל שנעעבאלג שליט"א אב"ד קהל אברכים מאנסי.
היינט קומט פאר די סעודת הילולא און סיום הש"ס בחצר הקודש מאקאווא, לרגל די הילולא קדישא פון הגה"ק בעל עטרת משה ממאקאווא זי"ע וואס איז אויסגעפאלן דעם שבת כ' חשון, עס קומט פאר אין היכל ישיבת מאקאווא אין קרית אתא, אין שפיץ פון בנו ממלא מקומו כ"ק גאב"ד מאקאווא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
