ווי באריכטעט האט פארלאפענעם פרייטאג אויסגעבראכן א העלישע פייער אין שטוב פון הגה"צ אבד"ק סטאבניץ שליט"א אין בארא פארק, פון וואס עטליכע משפחה מיטגלידער זענען ליידער שווער פארוואונדעט געווארן, און די שבת שבע ברכות במעונו פונעם רב שליט"א האט נישט געקענט פארקומען אין ביהמ"ד ווי געפלאנט.
די קהילה האט ארויסגעדינגען די סאטמארע בית המדרש אויף די אכצנטע עוועניו און דארט געפראוועט די שמחת השבע ברכות, אין די צייט וואס אלע זענען מתפלל לרפואתו השלימה פונעם רב שליט"א און די בני המשפחה. בעפאר שבת זענען שוין עטליכע משפחה מיטגלידער באפרייט געווארן פון שפיטאל, און נאר דער רב שליט"א און א יונג בחור'ל זענען פארבליבן פאר ווייטערדיגע באהאנדלונגען צוליב די שווערע מצב.
היינט דינסטאג איז דער רב'ס זון הב' יהודה צבי בן אסתר שרה ב"ה באפרייט געווארן פון שפיטאל, און אויך הערט מען בעסערע גריסן איבער די מצב הבריאות ביים רב שליט"א, וואס גייט ב"ה צום בעסערונג.
נעכטן נאכט איז פארגעקומען א עצרת תפילה אין ביהמ"ד סטאבניץ, וואס איז שוין ב"ה טיילווייז צוריקגעשטעלט געווארן על מכונו נאך די מילדע שאדן וואס די שוהל האט געליטן, די וואסער און עלעקטעריק איז געהעריג אקטיוו, און נאר די גאז ליניע איז נאך דערווייל אפגעשפארט. ביים עצרת תפלה האבן זיך באטייליגט פילע אידן תושבי העיר, איבערהויפט די ארומיגע שכנים, עס האט אויפגעטרעטן מיט א דרשה הרה"ג ר' יוסף פאנעט שליט"א אבד"ק מאור התפילה.
