נאכפאלגענדיג אומגינסטיגע רעזולטאטן פון די בג"ץ אנבאלאנגט די גזירה פון גיוס בני הישיבות, איז ערש"ק פארגעקומען א גרויסארטיגע אסיפה אינעם עיר התורה והחסידות בני ברק, וואו עס האבן זיך צוזאמגענומען א ריזן צאל פון כמעט אלע ראשי הישיבות בארץ הקודש, צו דן זיין בכובד ראש וויאזוי זיך אומצוגיין מיט די געזעץ.
ביי די אסיפה האבן זיך אנגעזעצן אריבער הונדערט ראשי ישיבות, סיי פון די חסידישע קרייזן, פון די ליטווישע קרייזן, און פון די ספרד'ישע קרייזן, עטליכע ראשי ישיבות האבן אויפגעטרעטן, הגאון הגדול רבי דוב לאנדא שליט"א ראש ישיבת סלאבאדקע, וועלכער האט ערקלערט די פשרה'לאזע שטעלונג פון די עולם הישיבות, זיך נישט צו בייגן אונטער די פרייע מאמענטום, און ווייטער אנגיין מיטן קאמף לטובת די ישיבות הקדושות, טראץ די סטראשונקעס פון די בג"ץ. אזוי אויך האט אויפגעטרעטן הגאון הגדול רבי משה הלל הירש שליט"א ראש ישיבת סלאבאדקע, הגאון הגדול רבי דן סגל שליט"א, הגה"צ ר' מנחם ארנסטר שליט"א ראש ישיבת וויזניץ, הגאון הגדול רבי מיכל זילבער שליט"א ראש ישיבת זוועהיל, הגה"צ ר' חיים צבי שפירא שליט"א ראב"ד קהל מחזיקי הדת בעלזא, און הגאון ר' מסעוד בן שמעון שליט"א דער ספרד'ישער רב פון בני ברק.
