אלפי חסידי בעלזא האבן מיטגעלעבט שעות פון התרוממות און התרגשות, ביים ערשטמאליגן מעמד כבוד התורה לטובת די כוללים נעץ דחסידי בעלזא אלוועלטליך, ווען טויזענטער חסידים האבן זיך אנגעשלאסן אלס "כולל אידן", צו שטיין צו די רעכטע האנט פון די אכצן הונדערט לומדי ועמלי התורה, וואס זיצן און הארעווען בין כותלי הכוללים רוב שעות אין טאג.
אין די לעצטערע וואכן איז דורכגעפירט געווארן פיבערהאפטיגע צוגרייטונגען לקראת די גרויסע מעמד, וואס איז געפראוועט געווארן דעם זונטאג כ"ח אדר ב' אין די ריזן זאל פון בניני האומה אין ירושלים. די מעמד איז געווען גאר רייך צוגעשטעלט מיט א ספעציעלע פראגראם, הפלא'דיגע דרשות און קונצעדיגע שיר ושבח אויף פארשידענע אופנים.
ביים מעמד איז פארטיילט געווארן פאר די תומכים נכבדים די "כולל אידן", הונדערטער פלעשער וויין וואס כ"ק אדמו"ר מבעלזא שליט"א האט געוואונטשן לקראת יום טוב פסח. אזוי אויך האבן די תומכים געהאט די געלעגנהייט אונטערצושרייבן א שטר שותפות יששכר זבולון, מיט די גדולי הרבנים פון ביד"ץ דקהל מחזיקי הדת בעלזא.
