שטייענדיג נאנט צו א קיילעכיגע יאר זינט עס האט אויסגעבראכן א שרעקליכע שריפה אין ביהמ"ד דינוב אין בארא פארק, אינעם זעלבן בנין פון די גרויסע ספינקא בית המדרש אויף די זעקס און פופציגסטע סטריט, איז די בית המדרש צוריק געעפנט געווארן דעם פארלאפענעם שבת קודש, שבת פרשת שמיני פרשת החודש.
די בית המדרש איז פראכטפול רענאווירט געווארן אין די לעצטערע חדשים, ווען די עסקני הקהילה האט אריינגעלייגט גרויסע כוחות צוריקצובויען די שוהל על מכונו. פארלאפענעם דאנערשטאג נאכט איז פארגעקומען א אסיפת התחזקות לרגל די צוריקעפענונג, מחזק צו זיין דעם ענין פון כבוד בית המדרש. עס האט אויפגעטרעטן הגה"צ אבד"ק דינוב ב"פ שליט"א בן כ"ק אדמו"ר מדינוב שליט"א, און הגה"צ ר' יואל יצחק שטערן שליט"א דומ"ץ דינוב קרית יואל.
