א ריזן עצרת איז פארגעקומען יעצט ביינאכט ברחובות העיר ירושלים, וואו טויזענטער אידן בני תורה פון די ליטווישע קרייזן זענען זיך צוזאמגעקומען פארנט פון די לשכת הגיוס, אויסצושרייען א הילכיגע וויי געשריי קעגן די בייזוויליגע פלענער פון די ציוניסטישע מיליטער אריינצושלעפן ווי מער בחורים אין זייער מיליטער.
די עצרת איז פארגעקומען אין שפיץ פון הגאון הגדול רבי אשר דייטש שליט"א מנהיג הפלג הירושלמי, אינאיינעם מיט נאך אסאך גדולי הרבנים וראשי הישיבות, עס האבן אויפגעטרעטן מיט דרשות די גדולי ראשי הישיבות, וואו אלע אייניג האבן פעסטגעשטעלט די עקזיסטענץ פון בני תורה בארצינו הקדושה, זיך נישט צו לאזן פירן דורך מחללי שם שמים, און שטעלן א העפטיגע ווידערשטאנד קעגן זייערע פלענער.
