פארגאנגענעם דאנערשטאג נאכט איז פארגעקומען א געהויבענע מעמד לכבודה של תורה, אין ביהמ"ד מתיבתא לתורה והוראה אויף רחוב הרב קוק אין בני ברק, אין שפיץ פונעם באקאנטן פוסק הגאון הגדול רבי שמואל אליעזר שטערן שליט"א גאב"ד מערב בני ברק, וואו פילע דיינים און מורי הוראה האבן זיך צוזאמגענומען דורכצושמועסן פארשידענע הלכה'דיגע שאלות וואס איז לעצטנס אנגעקומען על שולחן מלכים, און בפרט שאלות בהלכה וואס מאכט זיך אין די יעצטיגע טעג לקראת יו"ט פסח.
די צענטראלע דרשה איז געהערט געווארן דורכ'ן פוסק הגאון הגדול רבי שמואל אליעזר שטערן שליט"א, אויך האט אויפגעטרעטן בנו יקירו הרה"ג ר' שלמה יצחק שטערן שליט"א דיין אין בית הוראה, און מח"ס תורת הלוי אויף הלכות סת"ם, און הרה"ג ר' שמואל יוסף שטיצבערג שליט"א דיין אין די בית הוראה, און מח"ס שערי הברכה.
