א היסטארישע באזוך איז פארגעקומען פארלאפענע וואך בביתו נאוה קודש פונעם פאר הדור והדרו הגה"צ ר' יעקב מאיר שעכטער שליט"א ממנהיגי ברסלב און פון די זקני הרבנים בדורינו, ווען עס איז ערשינען דער הויפט רב פון רוסלאנד הרב הגאון ר' בערל לאזאר שליט"א, און פארברענגט מיטן גאון ר' יעקב מאיר א שטיק צייט בדברי תורה וחסידות.
הרב לאזאר איז אנגעקומען אויף א באזוך אין ארץ ישראל צו אויפטון פארשידענע ענינים לטובת די ארטיגע אידנטום אין רוסלאנד, אין שטוב פון הגאון ר' יעקב מאיר האט ער דערציילט א ווארעמע גרוס פון די יהדות הגולה אין רוסלאנד, און אנגעפרעגט א רייע שאלות ביים גאון אין פארשידענע ענינים.
הגאון ר' יעקב מאיר שליט"א האט זיך הארציג באדאנקט פאר הרב לאזאר אויף זיין שטענדיגע שטיצע לטובת חסידי ברסלב אין אומאן, און נאך פארשידענע ווייטגרייכענדע כלל ענינים וואס ער איז עוסק אין יעדע געלעגנהייט.
