א רירנדע מסיבת הודאה איז פארגעקומען היינט מאנטאג בביתו נאוה קודש פון כ"ק אדמו"ר מפאריסוב שליט"א, מיט די באטייליגונג פון אחיו הגדול כ"ק אדמו"ר ממשכנות הרועים שליט"א, און דעם רבינ'ס איידעם כ"ק אדמו"ר מקרעטשניף קרית גת שליט"א.
ווי באקאנט איז דער פאריסובער רבי שליט"א אריינגעפירט געווארן אין שפיטאל מיט עטליכע חדשים צוריק, וואו דער רבי איז געלעגן על ערש דוי אין א שווערע געזונט צושטאנד עטליכע וואכן נאנאנאנד. מיט צוויי וואכן צוריק איז דער רבי ב"ה באפרייט געווארן פון שפיטאל און ערהוילט זיך ווייטער אינדערהיים, און היינט ביי א באשיידענע מסיבה האט דער רבי געטרינקען לחיים צוזאמען מיט די בני המשפחה און מקורבים, צו דאנקן און לויבן דעם אויבערשטן אויף דין גרויסע חסדים.
