א מעמד קביעת מזוזה איז פארגעקומען דעם מאנטאג ערב ראש חודש אלול, ווען כ"ק אדמו"ר מבאבוב שליט"א איז אנגעקומען בין כותלי הבנין פון די נייע באבובער תלמוד תורה אויף די זעקס און דרייסיגסטע סטריט אין בארא פארק, צו קובע זיין מזוזות ביי די נייע פראכטפולע חתונה זאלן וואס עפענען זיך אצינד צו פראווענען אידישע שמחות אויף א געשמאקע פארנעם.
אין די נייע בנין התלמוד תורה איז אהערגעשטעלט געווארן צוויי פראכטפולע זאלן, איינס איז "אהלי פרידא" אויפן נאמען פון אמה של מלכות הרבנית הצדיקת מבאבוב ע"ה, א ביליגערע זאל וואס איז אויך געווידמעט פאר כלל חסידי באבוב וואס נעמען זיך אונטער אויסצופאלגן די פרישע חתונה תקנות שע"י מפעל חיים של שלום. די אנדערע זאל "אולם הייטנער" בנדבתו של הנגיד החסיד ר' בנציון הייטנער הי"ו פון טאראנטא, איז געווידמעט אריינצוברענגען א שיינע הכנסה פאר די באבובער מוסדות, זייענדיג א ריכטיגע עלעגאנטע זאל מיט א זעלטענע רייכקייט און געשמאק.
