שמועות האבן אנגעהויבן צירקולירן אויף די היימישע גאסן אין ניו יארק, אז פרעזידענט טראמפ איז ערווארטעט אויף א באזוך מארגן מאנטאג ביים אהל אדמור"י חב"ד אין קווינס, שטייענדיג געציילטע וואכן בעפאר די פרעזידענטליכע וואלן ווי ער שטייט אויס א גאר שמאלע פארמעסט.
לויט די באריכטן ווערט די באזוך געפלאנט אויף מארגן מאנטאג אקטאובער זיבן, די טאג וואס עס ווערט אפגעצייכנט א קיילעכיגע יאר זינט די גרויזאמע טעראר אטאקע און שרעקליכע שחיטה וואס די כאמאס טעראריסטן האבן דורכגעפירט אויף אריבער טויזענט אידישע קינדער, וואס זענען ליידער אומגעקומען על קידוש השם.
דורכאויס די לעצטע פאר טעג האט די סיקרעט סערוויס באזוכט ביים אהל אין די מאנטיפיורי בית עלמין אין קווינס, צו זיכער מאכן אז זיי קענען אוועקשטעלן די מאקסימום זיכערהייט פאר א באזוך פון א געוועזענע פרעזידענט און א יעצטיגער פרעזידענט קאנדידאט. דערווייל איז אבער גארנישט געמאלדן געווארן אפיציעל.
