היינט נאכט ז"ך חשון געפאלט די יומא דהילולא קדישא פון כ"ק אדמו"ר הרה"ק רבי יענקעלע מפשעווארסק זי"ע, די צענטראלע יארצייט טיש דורך בנו ממלא מקומו כ"ק אדמו"ר מפשעווארסק שליט"א וועט פארקומען היינט אויפדערנאכט אין בית רחל זאל אין אנטווערפן, אינאיינעם מיט די יערליכע דינער לטובת כולל אהל יעקב פשעווארסק.
היינט קומט פאר די שמחת הבר מצוה פון א אור אייניקל ביי כ"ק אדמו"ר מפשעווארסק שליט"א, אייניקל פון בנו הגדול הגה"צ ר' נפתלי אלימלך לייזער שליט"א אבד"ק פשעווארסק לאנדאן, א זון פון זיין איידעם הרב מנחם נחום טווערסקי שליט"א, זון פון כ"ק אדמו"ר מטשארנאביל שליט"א. – די שמחה קומט פאר אין ביהמ"ד פשעווארסק אין לאנדאן, אינאיינעם מיט די יארצייט סעודה לרגל די הילולא קדישא פון הרה"ק רבי יענקעלע מפשעווארסק זי"ע.
אין בארא פארק קומט פאר די סעודת הילולא אין זאל סעוויל מענאר, וואו עס וועלן אויפטרעטן כ"ק אדמו"ר מבורשטין שליט"א, און הגה"צ ר' משה יצחק לייזער שליט"א בן כ"ק אדמו"ר מפשעווארסק שליט"א.
אין ירושלים עיה"ק וועט פארקומען די סעודת הילולא אין ביהמ"ד דחסידי פשעווארסק, וואו עס וועט אויפטרעטן הגה"צ ר' יצחק מאיר מארגענשטערן שליט"א אדמו"ר מתורת חכם.
שמחת בית גור: היינט קומט פאר די שמחת הבר מצוה פון א אייניקל ביי כ"ק אדמו"ר מגור שליט"א, הב' ישראל צבי נ"י א זון פונעם רבינ'ס זון הגה"צ ר' נחמי' אלתר שליט"א. – די שמחה קומט פאר אין ביהמ"ד הגדול גור אין ירושלים.
היינט קומט פאר א גרויסע מעמד "יסוד איתן" אויפצוטרייבן סכומים הגונים פאר די מאסיווע בוי פראיעקט אויפצובויען די נייע גיגאנטישע ראחמיסטריווקא יונגל קעמפ אין די קעטסקילס, עס קומט פאר אין די נייע הייטנער זאל אין בארא פארק, אין שפיץ פון כ"ק אדמו"ר מראחמיסטריווקא שליט"א.
היינט קומט פאר די מעמד יציקת הבורות פאר די נייע ביהמ"ד בית אלעזר דקהל יטב לב אין קרית יואל שכונת ויואל משה, עס קומט פאר אין שפיץ פון כ"ק אדמו"ר מסאטמאר שליט"א.
היינט קומט פאר די מעמד סיום יורה דעה דורך אברכי רשת הכוללים תולדות אברהם יצחק, בביתו נאוה קודש פון כ"ק אדמו"ר מתולדות אברהם יצחק שליט"א.
היינט קומט פאר אין בארא פארק די יערליכע מסיבה לטובת כולל ערב תורת אבות אין ביהמ"ד דקהל תורת חיים וויזניץ, עס קומט פאר אינעם היכל בית המדרש אין שפיץ פון כ"ק אדמו"ר מוויזניץ שליט"א פון בארא פארק. אלס נואם הכבוד וועט אויפטרעטן כ"ק אדמו"ר מקאסוב שליט"א.
כ"ק אדמו"ר מקארלין סטאלין שליט"א לאזט זיך היינט נאכט ארויס אויף א נסיעה קיין ניו יארק, צו באשיינען די מעמד הנחת אבן הפינה פאר די נייע ביהמ"ד דחסידי קארלין סטאלין אין בארא פארק.
כ"ק אדמו"ר מוויזניץ שליט"א פון לאנדאן לאזט זיך היינט ארויס אויף א נסיעה קיין ארץ ישראל לטובת מוסדותיו הקדושים, די אכסניא וועט זיין אין שטוב פון הרב החסיד ר' יחיאל מיכל סורקיס הי"ו מחשובי חסידי סקווירא אין ירושלים.
הגה"צ ר' אהרן מרדכי רוקח שליט"א בנו יחידו פון כ"ק אדמו"ר מבעלזא שליט"א, לאזט זיך היינט ארויס אויף א נסיעה צום שטאט קערעסטיר אין אונגארן, אויף די עלעגאנטע נסיעה ועידת המלכות אינאיינעם מיט די נגידים ותומכים פון מרכז מוסדות בעלזא.
אריינצושיקן מודעות און נייעס, שיקט אן אימעיל צו NEWS@JDNMAIL.COM
