נאך וואס כ"ק אדמו"ר מתולדות אברהם יצחק שליט"א איז שטארק אפגעשוואכט די לעצטע פאר טעג, און איז ליידער נישט געווען בכח אריינצוקומען אין ביהמ"ד אפרעכטן די מעמדי הדלקת נר חנוכה די לעצטע צוויי נעכט, און די מעמד שריפת הפתילות היינט זאת חנוכה כנהוג, האט דער רבי שליט"א צוזאמגערופן דעם גאנצן ציבור צו מתפלל זיין און מעורר זיין רחמי שמים לרפואתו השלימה.
בפקודת הקודש האט דעם רבינ'ס זון הגה"צ ר' ישראל קאהן שליט"א רב הקהילה אין בארא פארק, איבערגעגעבן א מודעה פאר אלע חסידים אלוועלטליך, אז די חסידים זאלן זיך צוזאמקומען אין די בתי מדרשים די בכל אתר ואתר, אויסזאגן גאנץ ספר תהלים לרפואתו השלימה, און דערנאך פראווענען א סעודה ברוב עם לכבוד זאת חנוכה יעדער איינער אין זיין לאקאלע בית המדרש, מען זאל אפרעכטן די שריפת הפתילות אין די שטיבלעך, און בעטן דעם אויבערשטן אז דער רבי זאל וואס שנעלער צוריקקומען צו די כוחות.
אויך האט דער רבי געבעטן אז די חסידים וואס וואוינען אין שיכון מעזריטש הר יונה, זאלן ארויספארן אינאיינעם קיין אתרא קדישא מירון און דארט אויסזאגן גאנץ ספר תהלים לרפואתו.
