מיט בלויז געציילטע טעג פארבליבן צום היסטארישן כינוס אדיר "להקהל" וואס קומט פאר קומענדיגן מאנטאג פסח שני אין די גיגאנטישע אר סי סי קאמפלעקס אין מאנסי, איינצופעדימען די מצא טוב רעוואלוציע ביי אלפי תושבי העיר, צו פארגרינגערן מיט די שרעקליכע חתונה הוצאות קריזיס וואס פלאגט דעם יהדות החרדית, איז פארגעקומען א העפטיגע זיצונג צווישן פילע אגענטורן און עסקנים צו דורכשמועסן די וויכטיגע פונקטן אנבאלאנגט דעם כינוס.
ביים זיצונג זענען געווען אנוועזנד די לאקאלע פאליציי אגענטור אין ראמאפא, לאקאלע שטאטישע באאמטע, די מייסטער אווענט פלאנירער פון וויי עף פראדאקשענס, און די הויפט עסקנים פון "מצא טוב" וואס רעכענען די לאגיסטישע דעטאלן אנבאלאנגט דעם גרויסן כינוס. עס איז אויסגעשמועסט געווארן וויכטיגע פונקטן וואס איז נוגע פאר דעם היסטארישן כינוס, צו פארזיכערן די מאקסימום הצלחה און זיכערהייט פאר אזא גרויסע מעמד, וואס איז ערווארטעט ארויסצוברענגען צענדליגע טויזענטער תושבי העיר אנשים ונשים אין א פאראייניגטן שטימונג.
אויך אויך איז אין די לעצטערע טעג פארגעקומען א סטראטעגישע אסיפת העסקנים פון פילע קהילות קדושות אין מאנסי, וואו מען האט דורכגעשמועסט וויכטיגע פונקטן איבער די בעפארשטייענדע כינוס האדיר.
