שטייענדיג א קארגע וואך צום יומא דהילולא קדישא פון כ"ק אדמו"ר מליובאוויטש זצ"ל וואס געפאלט אויס ג' תמוז, איז אונטערגענומען געווארן א ערנסטע פראיעקט דורך די עסקנים ביים אהל הק' אין קווינס, צו פארבעסערן און פארגרינגערן פאר די צענדליגע טויזענטער אידן וואס זענען פוקד דעם ציון הק' אין טאג פון די יארצייט.
כדי צו קענען פארשנעלערן דעם פלוס פון מתפללים אריין און ארויס ביים אהל, האט מען אויפגעבראכן די וואנט פון די אהל, און געעפנט א נייע טיר צו קענען אריינגיין, וואס וועט מאכן אז די לאנגע ליניעס צו פוקד זיין דעם ציון הק' זאל פארן פיל שנעלער ווי ביז היינט. אזוי אויך שטעלט מען אהער א ספעציעלע וועג פאר די נשים צו קענען אריינגיין ביים אנדערן זייט פון די אוהל, אן וואס עס זאל זיך גרעניצן מיט תערובות.
