די מאסיווע רעגן שטורעם וואס האט זיך אראפגעלאזט נעכטן נאכמיטאג אויף די טריי סטעיט ראיאן, האט אנגעברענגט שרעקליכע פארפלייצונגען אין פילע געגענטער לענגאויס ניו יארק און ניו דזשערזי, אסאך גאסן זענען געווען שווער פארפלייצט מיט גאר הויכע וואסערן, ווען פילע אידן זענען געשטראנדעט און אנגעוואנדן אויף הילף.
אין מאנסי איז באריכטעט געווארן גאר אסאך פארפלייצונגען, אויף די רוט 59 ביי עטליכע פלעצער, ביי פעסקעק ראוד אין ספרינג וואלי, אויף פיליס טערעס פארנט פון ביהמ"ד וויזניץ, אויף מעלניק דרייוו ביי ראבערט פיט, און ביי נאך פילע גאסן וואו עס איז פארהאן נידריגע פונקטן. הונדערטער חברים וואלאונטירן און הילפס לייט האבן געארבעט שעות לאנג ארויסצוראטעווען געשטראנדעטע, און אויפרייניגן וויכטיגע פלעצער וואס האט געליטן שאדן פון די פארפלייצונגען.
אויך אין פילע געגנטער לענגאויס ניו דזשערזי, אריינגערעכנט לינדען און יוניאן, איז באריכטעט געווארן שווערע פארפלייצונגען, געשטראנדעטע קארס און פארפלייצטע בעיסמענטס, פילע הייוועיס און פארנומענע גאסן זענען געווען פולקאם פארפלייצט, איז וועסטשעסטער קאונטי און סטעטן איילענד, די ניו דזשערזי טורנפייק, די סאו מיל ריווער פארקוועי און די קראס בראנקס עקספרעסוועי.
