בחצר הקודש אלכסנדר איז נעכטן דינסטאג פארגעקומען א ספעציעלע אסיפה, צוגעשטעלט דורך די ספעציעלע וועדת הדיור פון מרכז חסידי אלכסנדר, מיטן ציהל ארויסצוהעלפן די אינגעלייט חברי הקהילה זיך צו קענען פארזארגן מיט א אייגענע דירה, און קענען לעבן מיט הרחבת הדעת אויף די אייגענע קאסטן.
כ"ק אדמו"ר מאלכסנדר שליט"א האט זיך פערזענליך באטייליגט ביים אסיפה זייענדיג בעובי הקורה אין די וויכטיגע פעולות ארויסצוהעלפן די אינגעלייט, מען האט געהערט רייכע דרשות איבער די נושא וויאזוי מען קען מצליח זיין דערמיט, און בעז"ה אוועקשטעלן בתים נאמנים לה' ולתורתו מיט הרחבת הדעת.
ביים אסיפה איז געווארן אויסגעשמועסט די געוואלדיגע הצלחה וואס זעהט זיך אן אין שטאט עמנואל, וואו עס בליהט און שיינט א קהילה נאה וחסודה מיט אלע באדערפענישן. דער רבי שליט"א האט שטארק מחזק געווען די אינגעלייט צו גיין וואוינען דארט, וואו מען קען זיך ערלויבן אייגענע דירות רואיגערהייט, און אוועקשטעלן א פולשטענדיגע אלכסנדר קהילה על דרך רבותינו הקדושים.
