איבערראשנדע נסים האט זיך אפגעשפילט היינט צופרי אויף די קרית יואל'ער גאסן, אויפן ארט וואו עס ווערט געבויעט אצינד די שפאגל נייע ביהמ"ד הגדול בית חיים יעקב אין די עיקערס ענקלעיוו דעוועלאפמענט ביים ווינקל פון עיקערס ראוד און בעיקערטאון.
א הויכשטאקיגע קרעין וואס איז געשטאנען אין די קאנסטרוקציע זאנע ביי די נייע שוהל, איז פלוצלינג צוזאמגעפאלן פון די שווערע וואג, און האט געטראסקעט אויף די דערנעבענדיגע גאס, פארכאפנדיג א גרויסע ווען וואס איז געווען דארט פארקירט, און איז געווארן גענצליך צודריקט אונטער די קרעין. בחסדי השם איז קיין איין מענטש נישט פארוואונדעט געווארן אין די עקסידענט, און א מאסיווע רעאקציע פון עמערדזשענסי לייט האט זיך אנגעזעהן אויפן סצענע צו האנדלען מיט די נאכווייען.
