אין די הויכע קעטסקיל בערג האט זיך די נאכט אפגעשפילט א גרויסע געשעעניש, ווען צענדליגע אידישע וואלאונטירן האבן פארברענגט די נאכט אין געדעכטע וועלדער אין די עלענוויל אומגעגנט, צו זוכן נאך א פארלוירענע אידישע מיידל וואס איז ב"ה געפונען געווארן ארום פיר אזייגער פארטאגס.
די ניינצן יעריגע מיידל מיט ספעציעלע געברויכן איז פארלוירן געווארן פונדערהיים אין א זוממער קאלאניע אין עלענוויל, אין די פריע נאכמיטאג שעה'ן נעכטן זונטאג, נאך עטליכע שעה וואס מען האט איר נישט געזעהן האט די פאמיליע אלארמירט עמערדזשענסי וואלאונטירן, עס האט זיך אנגעהויבן א העפטיגע זוכעריי דורך מערערע אידישע וואוילטעטיגע ארגענעזאציעס, אריינגערעכנט חברה שמירה, חביבים, חברה הצלה, און חברים, מען האט געזוכט אין די ארומיגע וועלדער פאר לאנגע שעות מיטן האפענונג אויף א גוטע ענדע.
נאנט צו פיר אזייגער פארטאגס האבן א גרופע חביבים מעמבערס געטראפן דאס מיידל ב"ה, אין די צייט וואס זי איז געשלאפן אין א געדעכטע וואלד. זי איז באלד געווארן אונטערגעזוכט דורך הצלה וואס האבן איר צוריקגעברענגט אהיים צו יעדנ'ס פרייד ב"ה.
