אין דעם ספרינג וואלי געגנט אין מאנסי איז דעם פארלאפענעם שבת פרשת עקב אפגעצייכנט געווארן הרחבת גבולי הקדושה, ווען עס איז אין א מזל'דיגער שעה געעפנט געווארן א נייער בית המדרש, קהל זכרון ארי' לייבוש צאנז, סטאנציאנירט אויף אזעלין דרייוו, נעבן יוניאן ראוד.
דער נייער בית המדרש איז געעפנט געווארן דורך הגה"צ ר' חיים מאיר הלברשטאם שליט"א אדמו"ר מצאנז מאנסי, זון פון כ"ק אדמו"ר מצאנז זצ"ל פון בארא פארק, און איידעם ביי הגה"צ אבד"ק מעזיבוזש שליט"א. צום ערשטן שבת לרגל פתיחת הבית המדרש איז פארגעקומען א גרויסער קידוש, מיט דער באטייליגונג פון פיל אידן תושבי השכונה.
אין די טעג פאר דעם ערשטן שבת, איז דער רבי שליט"א אנגעקומען אויף א באזוך צו כ"ק אדמו"ר מסקווירא שליט"א אפצונעמען ברכת קדשו צו דער פתיחת בית המדרש.
