שמחת בית מאחנובקא בעלזא – שידלובצא – יעריסלאוו: היינט קומט פאר די שמחת החתונה פון א אייניקל ביי כ"ק אדמו"ר ממאחנובקא בעלזא שליט"א, די כלה א טאכטער פון זיין זון הגה"צ ר' יחיאל מיכל רוקח שליט"א, איידעם ביי כ"ק אדמו"ר מיעריסלאוו שליט"א, מיט די חתן א זון פון הגה"צ ר' שמעון שמואל קארנרייך שליט"א, זון פון כ"ק אדמו"ר משידלובצא שליט"א, און איידעם ביי הגה"צ אבד"ק ערלוי ב"ב שליט"א. – די שמחת החתונה קומט פאר אין ביהמ"ד הגדול מאחנובקא בעלזא אין בני ברק.
שמחת בית פאלטישאן – קאסאן – דעעש: היינט קומט פאר די שמחת החתונה פון די כלה א טאכטער פון כ"ק אדמו"ר מפאלטישאן שליט"א, מיט די חתן א זון פון הגה"צ ר' אברהם פאנעט שליט"א, זון פון כ"ק אדמו"ר מדעעש קרית יואל שליט"א, אייניקל פון כ"ק אדמו"ר מקאסאן שליט"א. – די שמחת החתונה קומט פאר אין זאל עטרת גאלדא אין בארא פארק.
היינט קומט פאר די שמחת החתונה פונעם חתן א זון פון הרב אברהם יצחק שטיינמעטץ שליט"א, זון פון הגה"צ ר' יואל צבי שטיינמעטץ שליט"א אב"ד באגאד, איידעם ביי הגה"צ אבד"ק פאיע זצ"ל, מיט די כלה א טאכטער פון הגה"צ ר' דוד מאיר טערקלטויב שליט"א אב"ד בית אליהו ארי' אשוי אין קרית יטב לב בלומינגבורג, זון פון הגה"צ אבד"ק אשוי שליט"א, און איידעם ביי הגה"צ אבד"ק ליפשא שליט"א. – די שמחת החתונה קומט פאר אין זאל פרדס צבי אין וויליאמסבורג.
היינט קומט פאר די שמחת החתונה פונעם חתן א זון פון הגה"צ ר' משה בראנדסדארפער שליט"א גאב"ד היכל הוראה, זון פון הגה"צ ר' מאיר בראנדסדארפער זצ"ל בעל קנה בושם וחבר ביד"ץ העדה החרדית, מיט די כלה א טאכטער פון הרב חיים משה שווארץ שליט"א. – די שמחת החתונה קומט פאר אין די פארהאנד זאל אין בית שמש.
היינט קומט פאר די שמחת הבר מצוה פון א אור אייניקל ביי כ"ק האדמורי"ם מטשערנאביל שליט"א, הב' הבר מצוה זון פון הרב שלום פסח שנעעבאלג שליט"א, זון פון הגה"צ ר' משה חיים שנעעבאלג שליט"א אבד"ק שרגא המאיר אין מאנסי, און איידעם ביי הגה"צ ר' מרדכי טווערסקי שליט"א, זון פון כ"ק אדמו"ר מטשערנאביל שליט"א פון ארה"ב, און איידעם ביי כ"ק אדמו"ר מטשערנאביל שליט"א פון ארה"ק. – די שמחה קומט פאר אין זאל תפארת גדלי' אין מאנסי.
היינט נאכט כ' כסלו געפאלט די יומא דהילולא קדישא פון כ"ק אדמו"ר הרה"ק רבי יוחנן מראחמיסטריווקא זצ"ל, די אייניקלעך כ"ק האדמורי"ם מראחמיסטריווקא שליט"א וועלן אפרעכטן די יארצייט טישן אין די בתי מדרשים, בנו כ"ק הגה"צ אבד"ק ראחמיסטריווקא מאנסי שליט"א וועט אפרעכטן די יארצייט טיש בבית מדרשו, מיט די באטייליגונג פון זיינע איידימער, כ"ק האדמורי"ם מראחמיסטריווקא שליט"א פון וויליאמסבורג און ספרינג וואלי.
היינט קומט פאר א גרויסע כינוס פאר כלל חסידי אלכסנדר אין אנטווערפן, לטובת די קרן הבנין צום אויפבוי פון די נייע ביהמ"ד הגדול דחסידי אלכסנדר אין בני ברק, עס קומט פאר אין זאל עטרת לאה, אין שפיץ פון כ"ק אדמו"ר מאלכסנדר שליט"א וועלכער איז אנגעקומען צוגאסט אויף א קורצע באזוך קיין אנטווערפן.
כ"ק אדמו"ר מבישטינא שליט"א וועט היינט פארנאכטס אפרעכטן די יערליכע התוועדות לרגל י"ט כסלו, חג הגאולה פונעם אלטן רבי'ן פון חב"ד דער הייליגער בעל התניא זי"ע, און די הילולא קדישא פונעם גרויסן מגיד פון מעזריטש זי"ע, אין די עטרת זאל אויף רחוב עזרא אין בני ברק.
כ"ק אדמו"ר מוויען שליט"א קומט היינט אן צוגאסט קיין ארץ ישראל, לקראת די יארצייט פון אמו הרבנית הצדיקת מסאמבאטהעלי ע"ה.
כ"ק אדמו"ר מוויזניץ שליט"א פון ירושלים קומט היינט אן צוגאסט קיין ארץ ישראל, צו פראווענען די ימי החנוכה בקרב חסידיו אין ירושלים עיה"ק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
