א גרויסער שטארקע חזרה האט זיך נארוואס געענדיגט אין ישיבת הדרן. די אינטענסיווע חזרה איז פארגעקומען אין די לעצטע וואכן אין די ווענט פון די ישיבה, וואו די בחורים האבן פלייסיג איבערגע'חזר'ט אלע לימודים וואס מ'האט געלערנט פון אנהויב זמן ביז יעצט. די בחורים האבן אוועקגעגעבן צענדליגער שעות דורכאויס זמני הישיבה און אין שטוב איבערצוגיין די לימודים, יעדער אויף די מדריגה ווי זיי לערנען, לויט די באקאנטע הדרן שטאפלן, ווען עס קומט צו לערנען גמרא. די בחורים זענען פארהערט געווארן אויף די שקלא וטריא, בעל פה און לשון, און לויט זייער הצלחה האבן זיי אנגעזאמלט פוינטס פאר כתר כסף אדער כתר זהב. צו מסיים זיין די חזרה און די בחינות, איז פארגעקומען א הערליכע זאת חנוכה מסיבה. די משתתפים האבן געהערט דברי התעוררות פון דעם מנהל לימודי קודש, הרב בלוי, און דעם ראש ישיבה, הרב פריעד. זיי האבן אויך געהאט די זכיה צו הערן זייער פאסיגע ווערטער פון הרב מרדכי שיף שליט״א, וועלכער האט גערעדט איבער האבן א ציל און ווי אזוי, אויב מ'האט א ציל, קען מען דערגרייכן וואס מ'וויל. די בחורים וועלן זיך ממשיך זיין זייערע גמרא לימודים נאך חנוכה ווייטער צו שטייגן, אנטוויקלן זייערע כלים אין גמרא, און ארויפגיין שטאפל ביי שטאפל אין זייער יכולת צו פארשטיין א שטיקל גמרא ווי עס דארף צו זיין.
