אין ביהמ"ד הגדול קאסוב אין בארא פארק איז דעם זונטאג פרשת וארא פארגעקומען א שיינע מעמד און מסיבת לחיים, צום ערשיינונג פון די נייע ספר "מעיינא דמלכא" חלק ב', מבאר תורתו ואוצרו הטוב פון כ"ק אדמו"ר מקאסוב זצ"ל, וועלכער האט אריינגעשיינט א לעכטיגע אור אין כלל ישראל בחיים חיותו, און די ספרים הקדושים ווערן איבערגעארבעט און ארויסגעגעבן לאור עולם.
די יעצטיגע ספר "מעיינא דמלכא" חלק ב' איז נארוואס ערשינען לשמחת לב חסידים ואנשי מעשה איבעראל, עס איז נתנדב געווארן דורך הנגיד החסיד ר' בנציון לעבאוויטש הי"ו פון די נאנטע מקורבים ביים קאסובער רבי'ן זצ"ל, לזכר נשמת אביו הרבני החסיד ר' יחיאל לעבאוויטש ז"ל.
די מעמד איז געווארן צוגעשטעלט דורך "מכון שפה ברורה" וואס געבט זיך אפ ארויסצוגעבן דעם רבינ'ס ספרים, און עס איז באשיינט געווארן דורך בנו ממלא מקומו כ"ק אדמו"ר מקאסוב שליט"א וועלכער האט אויפגעטרעטן מיט דברות קודש, אזוי אויך האט מען געהערט א דרשה פון איינער פון די חברי המכון, א דרשה פון הרה"ג ר' אהרן וויינבערג שליט"א, און פון הגה"צ ר' אהרן האגער שליט"א זון פונעם רבי'ן זצ"ל, וועלכער שטייט אין שפיץ פון מכון שפה ברורה.
