היינט ו' ניסן געפאלט די יומא דהילולא קדישא פון הרה"ק רבי אהר'לע ראטה זי"ע בעל שומר אמונים, פילע אידן קומען אן צום הר הזיתים פוקד זיין דעם ציון הק' להיפקד בדבר ישועה ורחמים, די אייניקלעך כ"ק האדמורי"ם מתולדות אברהם יצחק און תולדות אהרן שליט"א וועלן אפרעכטן די יארצייט טישן ברוב עם.
היינט ו' ניסן געפאלט די זעקסטע הילולא קדישא פון כ"ק אדמו"ר מווערדאן זצ"ל, בנו כ"ק אדמו"ר מווערדאן שליט"א פון ב"פ וועט אפרעכטן א לחיים טיש היינט נאך שחרית בבית מדרשו אין בארא פארק, און דריי אזייגער נאכמיטאג ארויפגיין צום ציון הק' בראש קהל חסידיו אויפן בית החיים אין מאנסי.
היינט קומט פאר די שמחת פדיון הבן פון א אור אייניקל ביי די ברידער כ"ק האדמורי"ם מוויזניץ שליט"א פון מאנסי און קייאמישא, בן הנולד ביי הרב יעקב יוסף האגער שליט"א, זון פון הגה"צ ר' חיים מאיר האגער שליט"א, בנו הגדול פון כ"ק אדמו"ר מוויזניץ שליט"א פון קייאמישא, און איידעם ביי הגה"צ אבד"ק ראחמיסטריווקא מאנסי שליט"א, און איידעם ביי הגה"צ ר' דוד דוב האגער שליט"א, זון פון כ"ק אדמו"ר מוויזניץ שליט"א פון מאנסי. – די שמחה קומט פאר אין ביהמ"ד הגדול אין קרית וויזניץ קייאמישא לעיק.
היינט קומט פאר די שמחת הברית פון א אור אייניקל ביי כ"ק גאב"ד מאקאווא שליט"א, אייניקל פון זיין זון הגה"צ ר' חיים מנחם מענדיל לעמבערגער שליט"א, איידעם ביי כ"ק אדמו"ר משאץ שליט"א פון ב"ב, בן הנולד ביי זיין זון הרב יחזקאל שרגא לעמבערגער שליט"א, איידעם ביי הגה"צ ר' מרדכי דוב האלבערשטאם שליט"א מגארליץ. – די שמחה קומט פאר אין היכל ישיבת מאקאווא אין קרית אתא.
היינט קומט פאר די שמחת הבר מצוה פון א זון ביי הרב אברהם יהושע העשיל טייטלבוים שליט"א, זון פון כ"ק אדמו"ר מאלעסק ירושלים שליט"א, און איידעם ביי כ"ק אדמו"ר מסטראפקוב שליט"א. – די שמחה קומט פאר אין זאל בית ישראל אין ירושלים.
שמחת בית דינוב: עס איז געשלאסן געווארן די שידוך פון א אייניקל ביי כ"ק אדמו"ר מדינוב שליט"א, די כלה א טאכטער פון זיין זון הגה"צ ר' שלמה ראבינאוויטש שליט"א אבד"ק דינוב ב"פ, איידעם ביי הגה"צ ר' שמואל גרויס שליט"א מקערעסטיר בערבעשט, מיט די חתן א זון פון הגה"צ ר' העניך באב"ד שליט"א, זון פון הגה"צ ר' חיים יהושע באב"ד שליט"א מטארטיקוב, און איידעם ביי הגה"צ אבד"ק זאליזשא שליט"א.
עס איז געשלאסן געווארן די שידוך פונעם חתן א זון פון הגה"צ ר' ברוך רובין שליט"א, זון פון כ"ק אדמו"ר מבריזדוביץ שליט"א, און איידעם ביי כ"ק אדמו"ר מנצח מנחם ספינקא שליט"א, אור אייניקל פון כ"ק אדמו"ר מסטריזוב שליט"א. מיט די כלה א טאכטער פון הגה"צ ר' שלום יחיאל מיכל מאסקאוויטש שליט"א, זון פון הגה"צ ר' יצחק אלעזר מאסקאוויטש שליט"א אדמו"ר משאץ, און איידעם ביי הגה"צ אבד"ק מארגארעטען זצ"ל.
עס איז געשלאסן געווארן די שידוך פונעם חתן א זון פון הגה"צ ר' אברהם ברוך סעקולא שליט"א, זון פון הגה"צ אבד"ק נחלת ישראל סאדאוונא זצ"ל, און איידעם ביי הגה"צ אבד"ק בעסערמין זצ"ל, מיט די כלה א טאכטער פון הגה"צ ר' יחזקאל ווייס שליט"א אבד"ק קאמינקא ב"פ.
אריינצושיקן מודעות און נייעס, שיקט אן אימעיל צו NEWS@JDNMAIL.COM
