שמחת בית סלונים: עס איז געשלאסן געווארן די שידוך פון א אייניקל ביי כ"ק אדמו"ר מסלונים שליט"א, די כלה א טאכטער פון זיין איידעם הגה"צ ר' פנחס אליעזר שלאף שליט"א ראה"כ סלונים, זון פון הגה"צ אבד"ק ביאלאווא לאנדאן שליט"א, מיט די חתן א זון פון הגה"צ ר' נחום מאיר קליין שליט"א אב"ד קול יעקב וועסלי הילס וראש ישיבת עסק התורה ראחמיסטריווקא, איידעם ביי הגה"צ ר' שמואל עקיבא שלעזינגער שליט"א אבד"ק שטראסבורג.
כ"ק אדמו"ר מבאבוב שליט"א פארט היינט ארויס קיין מיאמי פלארידע, וואו דער רבי וועט זיך אויפהאלטן די קומענדיגע צוויי וואכן אויף אפרוה.
היינט נאכט ה' אייר געפאלט די יומא דהילולא קדישא פון כ"ק אדמו"ר הרה"ק רבי אליעזר חיים מיאמפאלא זצ"ל, פילע אידן וועלן פוקד זיין דעם ציון הק' אויפן בית החיים בית יהודה אין ניו יארק, נכדו כ"ק אדמו"ר מסקאליע שליט"א וועט אפרעכטן די יארצייט טיש היינט אויפדערנאכט אין סקאליע ביהמ"ד אין בארא פארק.
היינט ד' אייר געפאלט די יומא דהילולא קדישא פון כ"ק אדמו"ר מתולעת יעקב זצ"ל, בנו כ"ק אדמו"ר מתולעת יעקב שליט"א וועט אפרעכטן די יארצייט טיש אין ביהמ"ד תולעת יעקב אין וויליאמסבורג.
היינט קומט פאר א ספעציעלע כינוס פאר שדכנים בחצר הקודש נדבורנא, אין זאל עטרת אויף רחוב מחזיקי הדת אין בני ברק, אין שפיץ פון כ"ק אדמו"ר מנדבורנא שליט"א. צווישן אנדערע וועט אויפטרעטן כ"ק אדמו"ר מפיטסבורג שליט"א.
אין ביהמ"ד טשערנאביל אין לאנדאן קומט היינט פאר אן עצרת הספד והתעוררות, ככלות השבעה נאך די פטירה פון האברך החשוב ר' מרדכי יודא זאלצמאן ע"ה מחשובי מתפללי ביהמ"ד.
ניחום אבלים:
צו די פטירה פון הרבנית הצדיקת מרת חנה אסתר טווערסקי ע"ה, אלמנת הגה"צ ר' וועלוויל טווערסקי זצ"ל מראחמיסטריווקא, זיצן שבעה די בני המשפחה אין איר שטוב אויף רחוב חנה אין ירושלים, איר זון הגה"צ ר' נחמן יוסף טווערסקי שליט"א אבד"ק זלאטיפאלי אין מאנסי, און איר טאכטער הרבנית תליט"א אשת חבר כ"ק אדמו"ר מסקווירא מאנסי שליט"א, פארן היינט ארויס קיין ארץ ישראל צו זיצן שבעה אינאיינעם מיט די בני המשפחה ביז ערב שבת קודש.
איר איינציגע שוועסטער הרבנית הצדיקת מקאלוב תליט"א, אשת חבר כ"ק אדמו"ר מקאלוב שליט"א לרפו"ש, זיצט שבעה יעדע נאכט אין איר שטוב אויף פענן סטריט אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
