אין די יעצטיגע טעג זענען חסידי סאדיגורא נתבשר געווארן איבער די הרחבת גבולי הקדושה, מיטן עפענונג פון א נייע קלויז פאר סאדיגורא חסידים אינעם עיר ואם בישראל בארא פארק, נאך וואס ביז יעצט איז נאכנישט געווען פארהאן א סאדיגורא קלויז אין שטאט.
אין די לעצטע פאר יאר האבן זיך צוזאמגענומען א קבוצה חסידי סאדיגורא תושבי העיר, און מיטן ברכה והסכמה פון כ"ק אדמו"ר מסאדיגורא שליט"א איז באשלאסן געווארן צו עפענען א קלויז אין שטאט בארא פארק, די צווייטע סאדיגורא קלויז אין אמעריקע, נאכן ערשטן קלויז וואס שטייט שוין א שיינע פאר יאר אין שטאט לעיקוואד.
א מנין שבת אינדערפרי איז שוין פארגעקומען פאר א תקופה, און מיט עטליכע חדשים צוריק האט כ"ק אדמו"ר מסאדיגורא שליט"א אפגעשיקט א מכתב קודש פאר די חסידים אין בארא פארק, צו פאראויסרוקן די פראיעקט לידי גמר. אצינד גרייט מען זיך אוועקצושטעלן א פולשטענדיגע משכן קבע פאר א סאדיגורא קלויז, וואו מען וועט פארברענגען בשבת אחים און אפרעכטן די תפילות תמידין כסדרן.
די נייע קלויז איז סטאנציאנירט אויף די ניין און פערציגסטע גאס, און עס וועט געעפנט ווערן בעז"ה פאר אלע תפילות דעם קומענדיגן שבת קודש פרשת בהר בחוקותי הבעל"ט.
